Ante o anuncio, reiteradamente reclamado e deliberadamente agachado pola Xunta de Galicia da ubicación da planta Sur de SOGAMA en O Irixo (Ourense) Amigos da Terra lamenta o empecinamento da administración galega por seguir apostando por un modelo de xestión de residuos, caro, ineficiente, contaminante e que con diferencia supón a menor xeneración dos postos de traballo posibles e sin resolver en absoluto o problema.
"Facendo un exercicio lamentable para intentar xustificar o inxustificable, o Conselleiro de Medio Ambiente declara a reducción do 50% das emisións de CO2 que supón o transporte de residuos por tren, pero sin mencionar o incremento do 100.000% de emisións de CO2, máis dioxinas e furanos engadidos, que suporá a incineración de 250.000 toneladas de residuos anuais" declaran desde Amigos da Terra.
Propoñer a incineración, coas piruetas semánticas habituais de aplicarlle os nomes artísticos de "valorización enerxética" ou "reciclaxe térmico" como solución a os vertedeiros, supón un simple proceso de agachar que as cinzas da incineración (o 35% do volumen total incinerado) precisan un vertedeiro de seguridade, pois se trata de residuos tóxicos e perigosos, que se incrementa exponencialmente cantos máis residuos se incineren.
Xamáis incinerar un residuo compensará económica nin enerxética nin ecolóxicamente o seu proceso de producción, manter esa idea e ignorar a lóxica máis elemental. A producción electrica derivada da incineración de residuos apenas alcanza para manter a demanad da propia incineradora.
Non hai ningunha medida concreta para a reducción dos residuos en todo o plan de xestión da Xunta, cando a reducción é realmente a solución do problema, pois un residuo non xenerado e un residuos que non precisa xestión algunha. A política baseada en convertir a xestión de residuos en negocio solo leva aparellado, por lóxica económica, a insostibilidade dun sistema perverso que precisa o aumento do lixo para aumentar o beneficio.
Amigos da Terra denuncia igualmente a doble moral no discurso dos partidos da actual oposición na Xunta, que cando tiveron responsabilidade de goberno continuaron coa incineración como sistema de xestión e que agora, sen dúbida, denunciarán o mismo sistema que eles mantiveron activo.
Foto: Governo de São Paulo