A página é filha de Kaosenlared, segundo palavras dos seus criadores. Mas acho que é algo mais do que isso, é o reflexo de que a forma de entender a informaçom alternativa anticapitalista que deu origem a Kaosenlared é útil aos e as que luitam contra o capitalismo.
Sem sermos pretenciosos, acho que é de justiça informar que pola primeira vez Kaosenlared tivo mais de um milhom de visitas num só mês (Janeiro de 2010), mas ainda se torna mais necessário lembrar que esse milhom é o resultado do trabalho de centenas de pessoas, organizaçons e colectivos e da participaçom de milhares de pessoas de todo o mundo. Este facto demonstra que a informaçom alternativa ou contrainformaçom está num processo de crescimento e consolidaçom, que a situa perante a possibilidade de contrarrestar com força a informaçom do capital e dos seus vozeiros.
Este fim de semana, apresentou-se a página Diarioliberdade.org na reuniom anual de Kaosenlared e o colectivo editorial decidiu dar todo seu apoio a esta nova iniciativa, pois a mesma surge da fusom das secçons territoriais de Kaos Galiza, Portugal e Brasil. Estes colegas que tenhem trabalhado duramente como todos e todas pola consolidaçom de Kaosenlared hoje iniciam umha nova caminhada, sem deixarem o projecto de Kaosenlared, mas centrando o seu trabalho no novo portal que hoje chamam filho mas que já é irmao. Pois como o leitor e leitora pode ver, Diarioliberdade.org é umha versom adaptada e melhorada da página “mae”, e isso alegra-nos profundamente.
Há que dizer que, para nós é um orgulho termos contribuído para o nascimento de Diarioliberdade.org. Nom é umha questom de vaidade (ainda que como todos tenhamos a nossa), é algo mais profundo mais intangível, é ver que o trabalho realizado nestes anos, milhares de dias e milhons de horas, cheias de alegrias, sofrimentos, desvelos, problemas, perseguiçons e pequenas vitórias estám a ser úteis a todos e todas as trabalhadoras. A nossa página, que a fazemos entre todos e todas, tem servido de modelo de gestom democrática e de instrumento na luita anticapitalista e isso é o importante.
Diarioliberdade.org vai cobrir o espaço de comunicaçom anticapitalista unitário e plural dos países e territórios de fala galaico-portuguesa. Com uns critérios amplos e profundamente livres. Tal como kaosenlared, permitirá que os homens e mulheres dos movimentos sociais e suas organizaçons culturais, sociais, sindicais políticas anticapitalista língua galaico-portuguesa podam pendurar os seus artigos e informaçons. Além do mais, também facilita a possibilidade de comentar todas as notícias e informaçons de maneira que se podam enriquecer os debates e gerar sinergias de unida e luita entre todos os que querem bater no capitalismo... “inimigo da humanidade”.
Também é hoje o momento de recordar, que eu mesmo fago parte desta comunidade lingüística, justamente quando há uns dias desapareceu a pessoa que me transmitiu a língua que hoje me irmana com todos e todas as falantes do idioma galaico-português.
A comunidade lusófona é composta por diversos países e territórios, mas quiçá o que será desconhecido para muitos dos leitores de Diarioliberdade.org é a existência das línguas fronteiriças da Estremadura. No meu caso, fago parte da variante dialectal de Herrera de Alcántara, comunidade em que a língua pola pressom e repressom do idioma maioritário (castelhano) está em via de extinçom.
Diarioliberdade.org oferece-me e oferece-nos aos habitantes destes enclaves lingüísticos a possibilidade de colaborar com contribuiçons sobre a cultura e a sociedade dos nossos povos de forma que podamos continuar a integrar a comunidade galaico-portuguesa, da que somos parte indissolúvel.
Em definitivo, Diarioliberdade.org nasce para se converter num ponto de referência das luitas anticapitalistas dos países e territórios lusófonos, mas também do resto do mundo. Conhecer e compreender as diferenças lingüísticas, culturais e sociais dos e as que luitamos por um mundo melhor vai permitir-nos fazê-lo de forma mais perfeita, consciente, respeitosa e unitária para com todos os seres humanos que habitamos este planeta e que nom queremos a sua destruiçom.
Avante Diarioliberdade.org!!
Avante a contrainformaçom anticapitalista!!
A única batalha que se perde é a que se abandona!!