A conclusom é que o sucesso em muitas das facetas da nossa vida vai depender da nossa proximidade de umhas regras estéticas artificiais e insalubres; assim, nas últimas duas décadas a magreza é o cartom de visita dos homens e mulheres que queiram triunfar.
É bem certo que é umha doença maioritariamente feminina, e isto nom é nengumha casualidade. A conjugaçom de vários factores individuas, familiares, educacionais e culturais, som a causa da apariçom de estos desordens que se cebam com nós por motivos tam óbvios como pautas de carácter. Estilo baixa autoestima, falta de controlo sobre as nossas vidas e corpos, tendência a acatar submissa e acriticamente conselhos ou ordens...
A pressom do marketing e da publicidade junto com a equiparaçom do nosso valor como pessoas com o nosso valor como elementos ornamentais... misturado com a ideologia patriarcal e os intereses económicos do capital dam como resultado que os transtornos alimentícios sejam a terceira causa de morte na adolescência.
Os mass-media vende-nos alimentos lixo insalubress e hipercalóricos, que a juventude consome compulsivamente de jeito simultáneo com o marketing da hipermagreza, armadilha do Capital e negócio redondo. Atacadas com estas duas pressons, as jovens cairám ou bem na anorexia, na bulimia ou em obesidade, todas estas desordens acompanhadas dos seus problemas psicológicos, para os que o mesmo Capital nos venderá o fármaco ajeitado calmante dos sintomas e adormacedor de mentes, mas que nom elimina a raiz do problema, que continuará a latejar a diário nas nossas cabeças. Por outra parte, a indústria das dietas e produtos de emagrecimento facturam por ano milhons e milhons de euros, sem freio, já que beleza é algo objectivo e muitas vezes inalcançável ou inexistente, nunca investirás o suficiente na tua imagem.
Os dados dim que 5% da populaçom galega, na imensa maioria jovens dentre 12 e 20 anos, padece algum tipo de desordem alimentícia e que 40% das crianças dentre 9 e 10 anos, estám a tentar perder peso. Escandaloso!
A ditadura do machismo que nos di às mulheres o que devemos fazer e com quem nos devemos parecer cobra as suas vítimas: mulheres doutrinadas desde crianças para outros gostarem delas, por desnutriçom ou por cirurgias, na sua produçom de ventres planos, peitos enormes ou narizes perfeitos. Umha indústria que gera milhons à custa de mulheres que sofrem, umha indústria que alimenta o capitalismo e o patriarcado.
Estám-nos a matar.