1 1 1 1 1 1 1 1 1 1 (1 Votos)
Xurxo Martiz Crespo

Clica na imagem para ver o perfil e outros textos do autor ou autora

Em coluna

Juan Carlos: a iguana verde da Dinamarca

Xurxo Martiz Crespo - Publicado: Domingo, 08 Junho 2014 10:47

Nos meus tempos de ensino primário existia um jogo em que che pediam que pensasses num animal que começasse por «i», numha cor e num país que começasse por «D».


Umha vez pensado, o «interrogador» espetava-che: «Daquela, quem che dixo que na Dinamarca havia iguanas verdes?». Passados os anos, aprendim que nom só a Dinamarca começava por «D»; um pequeno e diminuto país africano, Djibuti, podia ser pensado e aí sim poderiam viver as iguanas. Mas a globalizaçom trouxo que qualquer dinamarquês possa ter na sua casa umha iguana, pôr-lhe uns focos de calor e ir convivendo com ela durante os frios invernos.

Nom deixa de ser um escándalo, contra natura, que as iguanas vivam no gélido norte ou que os husky siberianos sejam cans de estimaçom nas tórridas Caraíbas. O mesmo poderímos pensar do rei espanhol que foi posto por um ditador militar fascista chimpando leis dinásticas (Juan Carlos nom era o herdeiro, mas o seu pai Juan), leis históricas e leis políticas democráticas.

Na ciência, quando se parte de premisas falsas chega-se a conclusons falsas. Juan Carlos de Bourbon é, se calhar, a maior premisa falsa (continuidade de outra chamada «Franco») da história do Estado espanhol. Muitos veem na sua abdicaçom as pressons dos escándalos familiares que o rodeiam, quando o maior escándalo do rei espanhol é ele mesmo. O modo como um empregado do Estado, a salário dos nossos impostos, se tornou multimillonario (2000 milhons de euros segundo The New York Times) sem sabermos como, nem quando nem por quê, é tam escandaloso como que nengumha instituiçom pública ou nengum político dos dous partidos maioritários pida contas a esse mangante.

Os Bourbon nom podem ser acusados de «roubar» ou «amanhar» umhas eleiçons porque nunca se apresentárom, nem apresentarám, a nengumha. Ora bem, diante de quem rende contas dos seus negócios essa família? Som reis de um Estado... ou de um negócio?

 


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Eledian Technology

Aviso

Bem-vind@ ao Diário Liberdade!

Para poder votar os comentários, é necessário ter registro próprio no Diário Liberdade ou logar-se.

Clique em uma das opções abaixo.