A resposta de Anguita e um tópico, um clássico da esquerda espanhola que, por causa dessa resposta, está sumida na Catalunya, Galiza ou o País Basco.
Assegura a esquerda espanhola que de nada serve trocar Mariano Rajoy por Artur Mas (ou por Iñigo Urkullu) pois representam o mesmo. Nom é verdade, e a prova temo-la no próprio Anguita e na esquerda espanhola, que embora nom coincidam absolutamente em nada com a direita espanhola (PP e PSOE) no económico, sim coincidem na sua visom dos direitos das naçons sem Estado.
Assim, CIU ou PNV coincidem na sua visom económica com o PP e com o PSOE mas estám nas antípodas no relativo ao valor e aos direitos que tenhem os povos catalám ou basco como sujeito de direito.
Nom é de estranhar, xa que logo, que Batasuna fixera a alianza co PNV en Udalbitza, na criaçom do primeiro organismo soberano do País Basco, e em palavras de Jone Goirizelaia, em relaçom com o seu «companheiro de viagem»: Umha vez conseguida a independência, viria outra batalha distinta”.
Umha Galiza soberana e republicana teria, lamentavelmente, o seu Feijoo presidindo-a, mas seria livre doutras ataduras.
Nos anos 60 e 70 umha das críticas mais recorrentes dirigidas à República Irlandesa era que, se continuasse a fazer parte da Gram-Bretanha, teriam umha renda mais elevada e um melhor nível de vida.
Os irlandeses replicavam com senso e coraçom e diziam: «decerto, teríamos maior renda… mas nom seríamos livres».