1 1 1 1 1 1 1 1 1 1 (9 Votos)

110914 bandeirasPaísos Cataláns - Diário Liberdade - A Polícia local de Barcelona estima em 1.800.000 pessoas as participantes na convocatória da ANC e do Omnium Cultural, entidades organizadoras do uvê gigante que ocupou as principais avenidas do centro da capital.


Os cálculos da própria organizaçom, que conseguiu ultrapassar largamente o meio milhom de pessoas inscritas para o evento, ficárom aquém da resposta final do povo catalám. Os 11 quilómetros de avenidas fôrom ocupados com pessoas vestidas de vermelho e amarelo para formar umha bandeira gigante da Catalunha, simbolizando a afirmaçom nacional e a reclamaçom do direito a votar no dia 9 de novembro.

De maneira inaudita, o governo espanhol e, aparentemente, o próprio poder judicial, tencionam evitar umha consulta, considerada nom vinculativa, convocada polo governo autónomo catalám para dous meses depois da que na Escócia decorrerá com total legalidade no dia 18 de setembro.

Na verdade, a de hoje foi umha jornada "continuísta" em relaçom às que vem organizando de maneira multitudinária o movimento soberanista catalám, tanto a nível suprapartidário (ANC e Omnium Cultural), como de partidos. De facto, hoje mesmo, a esquerda independentista catalá realizou também a maior manifestaçom da sua história, com umhas 50.000 pessoas a marchar pola independência no centro de Barcelona, para além das realizadas um pouco por todo o Principat de Catalunya.

'Ara és l´hora'

Essa foi a palavra de ordem mais repetida, junto à clássica "Independência".  No ato final convocado pola ANC e o Omnium, a presidenta da primeira entidade apelou diretamente ao presidente da Generalitat, Artur Mas, que mantém certa ambigüidade sobre a realizaçom final da consulta: "Presidente, ponha as urnas!".

cat2Concertos e outros atos lúdicos enchem o Principat de Catalunya e especialmente a capital, Barcelona, ainda na hora de escrevermos esta crónica de urgência. Os meios de comunicaçom do mundo, alheios ao controlo económico e político espanhol, destacam a multitudinária vontade independentista manifestada hoje polo povo catalám. Em contraste, os meios espanhóis tentam reduzir o impacto da evidência, com fotos de campo reduzido e títulos mornos, quando nom disparatados como o do direitista e monárquico ABC: "CiU tenta doutrinar para o seu plano secessionista 500.000 mussulmanos" (??!)...

Presença galega nas convocatórias soberanistas, concentraçom em Compostela

Diferentes organizaçons políticas, juvenis e estudantis galegas viajárom à Catalunya convidadas por partidos e entidades soberanistas catalás, para participarem na Diada Nacional da Catalunha. O BNG, NÓS-UP, MGS, Briga, Isca!, Agir e MNG estivérom presentes em diversos atos, intervindo para mostrar a solidariedade galega com o processo soberanista catalám. Outros coletivos de todo o tipo mostrárom ao longo da jornada de hoje o seu apoio à autodetermiaçom catalá através das redes sociais e na concentraçom convocada pola Plataforma Galiza com Catalunha em Compostela.

Fracasso da contraconvocatória espanholista

O espanholismo, agrupado no coletivo 'Societat Civil Catalá' e apoiado economicamente polo aparelho do Estado espanhol e mediaticamente polas grandes corporaçons mediáticas espanholas, só conseguiu juntar umhas centenas em Tarragona, para protestar contra o exercício do direito de autodeterminaçom do povo catalám e reivindicar a "unidade de Espanha".

apoiogalegoApoio simbólico galego à Diada Nacional na Catalunha: concentraçom em Compostela.


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Eledian Technology

Aviso

Bem-vind@ ao Diário Liberdade!

Para poder votar os comentários, é necessário ter registro próprio no Diário Liberdade ou logar-se.

Clique em uma das opções abaixo.