1 1 1 1 1 1 1 1 1 1 (3 Votos)

080914 uvePaísos Cataláns - Diário Liberdade - O chamado 'V da Diada', coluna dupla que deve encher a Gran Via e a Diagonal de Barcelona para reclamar a independência da Catalunha, conseguiu já ultrapassar largamente o número de inscriçons de 2013.


A propaganda contrária dos grandes meios espanhóis, vaticinando umha menor adesom, parece ter fracassado, graças à massiva inscriçom de participantes na última semana, prévia à Diada Nacional da Catalunha.

No momento de escrevermos esta informaçom, 470 mil pessoas já se inscrevêrom na organizaçom do 'V da Diada' convocado pola Assembleia Nacional da Catalunya e o Omnium Cultural, entidades suprapartidárias que dinamizam o movimento de massas pola independência catalá.

A intençom é que as duas colunas formem umha grande 'senyera' (bandeira nacional da Catalunya) que complete as duas grandes avenidas do centro da capital catalá, mediante camisolas vermelhas e amarelas que formarám as cores da bandeira.

As entidades convocantes apelam à inscriçom massiva nas últimas jornadas prévias ao 11 de setembro, que o independentismo catalám aspira a converter na "Diada definitiva", já que para o mês de novembro (dia 9) está convocada a consulta soberanista em que o povo catalám deve decidir sobre a sua emancipaçom nacional.

O grande V será formado às 17:14 horas. Mais tarde, às 19 horas, um grande concerto terá lugar na cidade.

Manifestaçons da esquerda independentista

Para além das atividades suprapartidárias, a esquerda independentista catalá também organiza manifestaçons pola independência nacional durante toda a semana prévia à Diada em diferentes pontos de todo o país, convocadas pola CUP.

Porém, as manifestaçons nacionais decorrem no próprio 11 de setembro, às 12 horas, em quatro cidades catalás: Lleida, Barcelona, Girona e Reus.

Entretanto, o Estado espanhol continua com a sua campanha anti-independentista e negando qualquer possibilidade de que o povo catalám poda votar sobre o seu futuro como povo, apelando para a proibiçom à "legalidade vigente".

Também os meios de comunicaçom da burguesia espanhola fam campanha contra o independentismo catalám. A última, o anúncio do jornal da direita espanhola "El Mundo" de que setores "vinculados ao movimento independentista" no interior da polícia autonómica estariam a organizar "cursos de táticas de guerra", dando a entender a possibilidade de um confronto armado entre Espanha e Catalunha.

Na verdade, o independentismo catalám aposta na sua estratégia por um maioritário movimento de massas que imponha pola força dos factos a independência nacional, enquanto é o Estado espanhol o que sugere eventuais medidas de violência institucional contra as ánsias de liberdade catalás.


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Eledian Technology

Aviso

Bem-vind@ ao Diário Liberdade!

Para poder votar os comentários, é necessário ter registro próprio no Diário Liberdade ou logar-se.

Clique em uma das opções abaixo.