O ato contou com a presença do historiador da emigraçom galega Xurxo Martínez Crespo e autor da completa biografia de José Fernandes, mais conhecido como comandante Soutomaior, que se recolhe no livro.

A pouco mais de um mês do cinquenta aniversário de um dos capítulos menos conhecidos, mas também mais espectaculares, da resistência nacional armada ao franquismo Vigo acolheu a primeira apresentaçom pública do livro "24 homens e mais nada. A captura do Santa Maria".

Xurxo Martínez Crespo deu a conhecer de forma sintética mas mui clara e divulgativa que foi o DRIL, quais eram os seus objectivos, programa e composiçom, assim como a manipulaçom de algumhas das suas acçons por parte do regime espanhol, concretamente a morte de umha criança na estaçom de comboios de Amara em Donosti após a explosom de umha bomba que actualmente o Estado espanhol atribui erroneamente a ETA.

O divulgador da memória da emigraçom galega na América Latina, Caraíbas e Suiça também incidiu na necessidade de desmontar esa interesseira imagem de considerar o compromisso com a luita revolucionária como exclusivamente característico da juventude, reivindicando a combatentes como o comandante Soutomairo que com quase sessenta anos dirigiu o sequestro e captura do paquebote português em Janeiro de 1961, e anos mais tarde representava a Tricontinental em Laos, Camboia e Vietname.