Durante a noite, a açom dos piquetes foi boicotada por grupos de polícias que nom duvidárom em utilizar umha força inusitada carente de qualquer racionalidade.

A esquerda independentista, integrada nos diferentes piquetes nas principais cidades obreiras galegas, comprovou em carne própria a atitude violenta e prepotente da polícia e a Guarda Civil espanhola mandada polo PSOE. O resultado provisório aumenta por cima da duzia o número de grevistas detidos sobretodo em Vigo, mas também em Ourense, e companheiros e companheiras espancadas brutalmente.

NÓS-Unidade Popular fai pública a sua solidariedade com as companheiras e companheiros atacados e detidos pola Polícia espanhol e a Guarda Civil, nomeadamente com os três que continuam sob detençom policial na cidade de Vigo: Adriám, Martim e Iussa.

Somamo-nos às convocatórias solidárias e reclamamos a liberdade imediata e incondicional, bem como a depuraçom de responsabilidades políticas derivadas da utilizaçom da polícia como força de choque ao serviço do patronato para tentar evitar que o direito de greve se torne efetivo.

Viva a Greve Geral Galega!

Liberdade para todos os detidos já!

Galiza, 27 de janeiro de 2011