O Diário Liberdade acabou de resolver as incidências técnicas que impediam conseguir a última obra editada polo portal informativo sem fins lucrativos. Um problema de compatibilidade com a plataforma PayPal impediu até à madrugada de quarta para quinta-feira (14/04) encomendar através do portal "O Imperialismo, fase superior do capitalismo", de Vladimir Ilitch Ulianov Lenine, da qual o Diário Liberdade apresentou no início desta semana a primeira ediçom galega ilustrada.
Agora sim, e até dia 23 de abril, Dia Mundial do Livro, de maneira especial para o público leitor do Diário Liberdade, disponibiliza-se a obra a um preço de promoçom de 11,25 € que, ao somar os custos de envio, fica em 12,00 € a Galiza e o Estado espanhol; 15,50 € para Portugal e Europa; e 16,50 € para o Brasil e resto do mundo. A partir dessa data o custo será de 15€ mais custos de envio.
Para conseguir o livro, podes comprar na loja online do Diário Liberdade, acessível fazendo click aqui.
O imperialismo fase superior do capitalismo e a ediçom galega ilustrada de 2016
O imperialismo, fase superior do capitalismo foi escrito polo autor na primavera de 1916 e publicada pola primeira vez poucos meses depois, a inícios de 1917. Representa um dos grandes contributos teóricos do marxismo do século XX, cuja vigência permanece inabalável 100 anos depois. Especial releváncia ganha a obra de Lenine para naçons oprimidas como a galega e num contexto de crise global do capitalismo. O Imperialismo, fase superior do capitalismo parece estar a descrever a situaçom atual de crise e de continua a fornecer ensinamentos fundamentais.
A ediçom que agora apresentamos conta com um prólogo específico, realizado polo Coletivo Editor do Diário Liberdade, assim como com umha série de ilustraçons realizadas por Maurício Castro. A ediçom inclui notas de rodapé novas e umha lista final explicativa de nomes.