1 1 1 1 1 1 1 1 1 1 (3 Votos)

IMG 20160306 WA0002Galiza - Diário Liberdade - Algo mais de duas dúzias de pessoas assistirom o evento, presidido polas bandeiras comunista e galega, mas também a espanhola.


Segundo informou André Abeledo, quem participou na organizaçom do "Encontro de Marxistas" , "ao chamamento respondêrom comunistas de toda a Galiza que militam em diferentes partidos e organizaçons da esquerda marxista e camaradas a nível individual".

As bandeiras comunista e republicana galega pendurárom acompanhadas da republicana espanhola, apesar do qual o "Encontro de Marxistas" autodefine-se como "um processo próprio da Galiza mas aberto a conhecer e compartilhar experiências com projetos similares que estám a surgir tanto no Estado espanhol como a nível internacional". No entanto, o internacionalismo atingiu apenas o país vizinho, com dous impulsores da Plataforma de Comunistas madrilena.

A análise da situaçom "nacional e internacional" deitou como conclusons do primeiro encontro a "vigência da luita de classes como motor da História" e a necessidade de "recuperar o prestígio dos comunistas entre a classe obreira". Para isso, entedem que "é necessária a superaçom do regime de 78 para poder instaurar a República", sobre a qual nom indicam se seria galega ou se perpetuaria a secular opressom nacional do nosso país, "com umha verdadeira democracia popular, e a realizaçom de um trabalho pedagógico sobre esta tarefa". 

"Os comunistas devemos ser un sujeito político real, o comunismo é dialética, é organizaçom, é debate, mas também audácia e prática". Para tal praxe, no encontro chamou-se à "unidade da esquerda" e à "participaçom em todos os espaços de confluência para ser ferramenta de mudança real em maos das trabalhadoras e trabalhadores", com base em ideologia e programa político e fugindo "do resultadismo e a mercadotecnia". "O cidadanismo fruto da Revoluçom francesa nom pode mudar a sociedade, posto que defende as posiçons da burguesia, da oligarquia nacional e estrangeira" - frisa.

O encontro analisou o esgotamento do sistema capitalista para ultrapassar a crise "de sobreproduçom e de escasseza de recursos energéticos", que alimenta as guerras e o imperialismo. O sistema capitalista, explicárom, nom poderá ser superado só desde as instituiçons.

Também foi analisada a necessária "maior participaçom da mulher liderando a luita contra o sistema, posto que a mulher é desde sempre a parte da classe obreira máis explorada, e a quem esta afetando a crise mais duramente". O encontro verificou ainda a necessidade das camadas juvenis.

"Entendemos que é necessário que a Galiza tenha um processo próprio, somos unha naçom", mas consideram que "nom devemos perder de vista o caráter internacionalista e de unidade de classe da nossa luita". Nas conclusons do encontro, nom se especificou o que, para elas e eles, isso implica a respeito da luita nacional galega.

As algo mais de duas dúzias de pessoas assistentes acordárom continuar a trabalhar nas suas localidades e comarcas, com um segundo encontro galego no alvo.


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Eledian Technology

Aviso

Bem-vind@ ao Diário Liberdade!

Para poder votar os comentários, é necessário ter registro próprio no Diário Liberdade ou logar-se.

Clique em uma das opções abaixo.