1 1 1 1 1 1 1 1 1 1 (6 Votos)

livro lenineGaliza - Diário Liberdade - Coincidindo com o centenário da elaboraçom de um dos maiores contributos teóricos do líder da Revoluçom de Outubro, o Diário Liberdade apresenta a primeira ediçom galega ilustrada.


O imperialismo, fase superior do capitalismo foi escrito polo autor na primavera de 1916, como obra divulgativa para a militáncia revolucionária da altura, em plena Guerra Mundial e nas vésperas da primeira revoluçom proletária triunfante na Rússia.

Publicada pola primeira vez poucos meses depois, a inícios de 1917, ano da vitória revolucionária bolchevique, a obra que agora apresentamos em galego representa um dos grandes contributos teóricos do marxismo do século XX, cuja vigência fundamental permanece inabalável 100 anos depois.

Especial releváncia ganha a obra de Vladímir Ilitch Ulíanov, Lenine, para naçons oprimidas como a galega e num contexto de crise global do capitalismo. Com efeito, O Imperialismo, fase superior do capitalismo parece estar a descrever a situaçom atual de crise e de facto continua a fornecer ensinamentos fundamentais para entendermos o capitalismo, as crises e o horizonte comunista como única saída para a sua superaçom.

ilusEdiçom ilustrada em galego

A ediçom que agora apresentamos conta com um prólogo específico, realizado polo Coletivo Editor do Diário Liberdade, assim como com umha série de ilustraçons realizadas por Maurício Castro.

Trata-se de umha ediçom cuidada, que inclui notas de rodapé novas e umha lista final explicativa de nomes, todo o qual ajuda a compreender as referências contextuais incluídas por Lenine na sua exposiçom didática sobre a fase imperialista de um capitalismo já mundializado na altura em que foi escrita.

Promoçom inicial prévia à sua distribuiçom em livrarias

Esta ediçom comemorativa de umha das principais obras de Lenine, com ilustraçons em cores e 183 páginas, estará a partir do mês de maio nas principais livrarias e centros sociais populares da Galiza, a um PVP de 15 euros.

Porém, antes disso e de maneira especial para o público leitor do Diário Liberdade, disponibilizamo-la desde hoje mesmo a um preço de promoçom de 11,25 € que, ao somar os custos de envio, fica em 12,00 € a Galiza e o Estado espanhol; 15,50 € para Portugal e Europa; e 16,50 € para o Brasil e resto do mundo.

Podes conseguir o teu exemplar na loja online do Diário Liberdade (Click aqui).

Umha vez concluída a promoçom, que vai prolongar-se até o dia 25 de abril*, Dia Mundial do Livro, o preço em livrarias e centros sociais populares galegos será de 15€. Já os envios através dos correios terám um preço, incluindo os gastos de envio, de 16€ (Galiza e Estado espanhol); 19€ (Portugal e Europa); e 19.90€ (Brasil e resto do mundo).

Formaçom política e financiamento do Diário Liberdade

A aquisiçom desta obra nom só che permitirá melhorar a tua formaçom nas ideias do marxismo. Além disso, estarás a contribuir para o financiamento do Diário Liberdade como projeto popular informativo sem fins lucrativos. Vale a pena, por isso, adquirires já o teu exemplar aproveitando a promoçom de lançamento.

*Limitada até 23 de abril ou 50 unidades.

** Ao realizar a compra no Diário Liberdade aceitas os termos de compra e venda (click aqui para ler). PayPal garante a segurança no pagamento.


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora

Última hora

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Eledian Technology

Aviso

Bem-vind@ ao Diário Liberdade!

Para poder votar os comentários, é necessário ter registro próprio no Diário Liberdade ou logar-se.

Clique em uma das opções abaixo.