1.NÓS-Unidade Popular posiciona-se radicalmente em contra deste projecto para construir umha “zona recreativa” na antiga Enseada de Louriçám porque supom consolidar o recheio feito para instalar ENCE. A esquerda independentista defende a recuperaçom da linha de costa originária de Louriçám para a vizinhança umha vez que a factoria saia do seu emprazamento. E devem ser a própria empresa e o Estado espanhol (culpável de que esta indústria de enclave se situa-se na nossa Ria) quem corram com os gastos que conleve a recuperaçom da enseada.
2.Assim mesmo opomo-nos ao projectado passeio litoral desde as Corbaceiras, claramente vinculado às actuaçons urbanísticas previstas agora em Louriçám e que ademais supom um novo recheio na Ria de Ponte Vedra, já abondo desfeita e degradada.
3.O BNG é responsável desta ideia, que quer fazer passar por umha “humanizaçom” o que só se pode interpretar como umha nova agressom ao território e à paróquia de Louriçám, que já foi suficientemente maltratada historicamente (cumpre lembrar também a autovia, os aterramentos do porto de Marim e o trem). De novo o BNG traiçoa @s vizinh@s de Louriçám, mas também a luita contra ENCE, e situa-se do lado dos que equiparam progresso com formigom, cimento e lucro privado.
4.Chamamos às associaçons vicinais, aos movimentos sociais e ao conjunto da populaçom a posicionar-se em contra desta agressom e, chegado o caso, a mobilizar-se para impedi-la. As décadas de luita contra ENCE para recuperar o património natural e a vida roubados por esta empresa nom podem ser frustradas por suspeitosos projectos urbanísticos como este.
Ponte Vedra, Fevereiro de 2010