1 1 1 1 1 1 1 1 1 1 (0 Votos)

IMG 20160412 103215Galiza - MIBG - No día 12, mantívose unha rolda de prensa en Santiago de Compostela convocada pola Mesa Intersindical de Bombeiros de Galicia, na que o colectivo profesional, explicou os motivos que lle levan a organizar unha manifestación en Ourense o vindeiro día 18 de abril.


Ben é sabido que dende comezos de ano o debate, que se puxo enriba da mesa por parte das Administracións Provinciais e Autonómica, era o de estudar a posibilidade de rescatar o servizo de Extinción de Incendios e Salvamento, que actualmente atópase xestionado por empresas privadas.

A Xunta de Galicia manifestou publicamente a súa postura de estudar a o rescate do servizo, pero iso non so máis que declaracións propias de campaña electoral, xa que na realidade, a Xunta de Galicia, sen chegar a valorar as propostas das Deputacións, manifesta a súa clara intención de perpetuar un sistema de xestión privado. Isto é o que se deduce cando se traslada por parte do Director Xeral de Emerxencias, Don Luis Menor, o feito de que os 4 parques comarcais de Ourense, sairán a concurso baixo a fórmula de xestión indirecta. Destes 4, 3 xa se atopaban en mans privadas (Xinzo, Verín e Valdeorras) pero o curioso é ver como un novo parque de recente construcción (Carballiño), comezará a súa prestación do servizo, tamén baixo o mando privado.

Esta postura da Xunta, e da deputación Ourensá, choca de xeito radical coa situación desexable para a elaboración do estatuto do bombeiro profesional. Regulamento que por imperativo legal, debería estar promovido dende hai 8 anos por parte da Consellería competente en materia de Emerxencias.

A Mesa Intersindical, pretende deixar clara a súa contrariedade coa aposta que Xunta de Galicia e Deputación de Ourense fan, respecto de continuar un modelo que non é desexable nin para os empregados, nin para a cidadanía. De aí que se promova unha manifestación que partindo do parque de Bombeiros de Ourense, percorrerá as rúas da vila termal para rematar fronte a sede da Deputación, onde se aloxa o Consorcio Provincial de Extinción de Incendios e Salvamento de Ourense.

O lema para esta mobilización será “RESCÁTANOS!! Por un estatuto do bombeiro – Por un servizo público” Esta mobilización conta co apoio da Plataforma de Bombeiros Públicos de Galicia e a Coordinadora Unitaria de Bombeiros Profesionais (a nivel estatal).


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Eledian Technology

Aviso

Bem-vind@ ao Diário Liberdade!

Para poder votar os comentários, é necessário ter registro próprio no Diário Liberdade ou logar-se.

Clique em uma das opções abaixo.