1 1 1 1 1 1 1 1 1 1 (5 Votos)

sobrancGaliza - Diário Liberdade - Como em cada 1 de abril, diversas piadas circulárom graças a iniciativas de entidades galegas, incluído o Diário Liberdade.


Diário Liberdade, A Gentalha do Pichel, Coletivo Terra, Portal Galego da Língua, CS Fuscalho e Fundaçom Artábria som algumhas das entidades que divulgárom falsas notícias neste Dia dos Enganos. A melhor sucedida desta vez foi sem dúvida a da entidade da Terra de Trasancos, que conseguiu que a sua "renúncia ao reintegracionismo" saísse em meios informativos ferrolanos.

O engano da Fundaçom Artábria, divulgado no seu blog e nas redes sociais, "informava" sobre o abandono do reintegracionismo e a assunçom da ortografia isolacionista a partir do dia de hoje, por parte do que foi primeiro Centro Social reintegracionista da Galiza.

Nom demorou a aparecer em duas emissoras radiofónicas locais, Radiofusom e Cadena COPE, a "informaçom de alcance" sobre a mudança de casaca da entidade, que alegava a falta de audiência social e as boas relaçons institucionais para justificar a sua nova "filosofia", abandonando a que é a principal razom de ser da Fundaçom Artábria desde inícios da década de 90 do século passado.

Vale a pena escuitar a notícia do informativo radiofónico da Cadena COPE, principal colaboradora involuntária neste ano da campanha de recuperaçom do Dia dos Enganos. Eis o áudio:

Numha informaçom que a COPE traduziu para espanhol, o que dá ainda um tom mais hilariante ao assunto, a jornalista "informa" do acordo assemblear da Artábria para "reformular a sua filosofia lingüística", depois de "constatar o escasso ou quase nulo êxito das suas iniciativas entre a populaçom", por culpa da ortografia. A COPE acrescenta que doravante a Artábria utilizará a ortografia do inexistente "Instituto Lingüístico Gallego" (sic), evitando "palavras que podam dar lugar a pensar que concebem a língua como algo próximo ao português".

Também Radiofusom informou sobre o assunto, enquanto outros meios locais como o Diário de Ferrol e Ferrol360 estivérom mais atentos e nom engolírom o isco lançado pola Fundaçom Artábria.

pesPor seu turno, o Diário Liberdade "informou" de um suposto conluio galego-luso-brasileiro para fomentar o golpe institucional brasileiro em curso, "notícia" que chegou a circular nas redes sociais brasileiras entre o público preocupado com a situaçom do país nestas semanas.

Já o Coletivo Terra, chegou a fazer um belo cartaz anunciando a "Feria de Abril" em Pontedeume, com "pescaíto frito" e "coro rociero", enquanto o CS Fuscalho, do Baixo Minho, anunciou que se convertia em coletivo "carnívoro", denunciando a "opressom vegana".

O PGL deu a "notícia" da incorporaçom de Xavier Simões à AGAL e a Gentalha do Pichel anunciou o seu "I Jantar do bom gosto", com menu degustaçom de 60 euros, com umha ementa de elite cheia de originalidades...


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Eledian Technology

Aviso

Bem-vind@ ao Diário Liberdade!

Para poder votar os comentários, é necessário ter registro próprio no Diário Liberdade ou logar-se.

Clique em uma das opções abaixo.