1 1 1 1 1 1 1 1 1 1 (2 Votos)

cgs2Galiza - Diário Liberdade - CIG-Indústria promoveu umha concentraçom de apoio ao delegado sindical da empresa Gabadi despedido por fazer trabalho sindical contra a temporalidade.


A crescente exploraçom verificada nas empresas auxiliares do naval de Trasancos está por trás da represália sofrida por Carlos G. Seoane, um trabalhador da empresa Gabadi, principal auxiliar de referência na comarca, com uns 200 trabalhadores e trabalhadoras, assim como um importante nível de atividade atual e em perspetivas de futuro. Todo o qual nom impede que mantenha a percentagem de contratos estáveis reduzido a só 25% do quadro de pessoal.

A central sindical CIG denunciou hoje mesmo a rotaçom infernal que impom ao seu precarizado pessoal, para evitar que ganhe em antigüidade, segurança e direitos, obrigando a imensa maioria dos trabalhadores e trabalhadoras a ir para o desemprego 6 meses em cada 18.

Exploraçom generalizada, repressom particularizada... 

A exploraçom extrema denunciada por Carlos, delegado sindical na referida empresa, explica a reaçom fulminante da direçom, mediante umha açom ilegal contra um operário eleito delegado polo pessoal de Gabadi. De facto, a firma já conta com umha "ata de infraçom" da Inspeçom Provincial de Trabalho, por práticas abusivas e fraudulentas, o que prova o descaramento com que pratica o seu crescente roubo de força de trabalho.

A própria engrenagem de exploraçom coloca grandes dificuldades para que se realizem processos eleitorais com garantias, pois a ameaça do despedimento paira sobre os trabalhadores ou trabalhadoras que ousam dar um passo em frente.

cgs1Foi isso que aconteceu com Carlos, que hoje assistiu ao SMAC de Ferrol para tentar defender, com o apoio da CIG, o seu direito à readmissom por parte da empresa, frente à arbitrariedade dos patrons.

A direçom de Gabadi ofereceu o triplo da indemnizaçom inicial para garantir que o delegado despedido desiste de voltar ao seu posto de trabalho. Porém, a proposta foi rejeitada, o que deverá conduzir o caso a julgamento, que com a lei na mao deverá fazer com que o operário despedido recupere o seu posto de trabalho ilegalmente usurpado.

Solidariedade e resposta organizada

O trabalhador contou com o apoio de companheiros e sindicalistas da CIG, concentrados às portas do SMAC.

Precedentes como o que pretende ser aplicado a Carlos tenhem como objetivo intimidar o conjunto do quadro de pessoal da empresa para que se submeta às práticas de exploraçom crescente numha comarca especialmente castigada polo desemprego, como é a de Trasancos, com as maiores percentagens nom só da Galiza, mas da Península Ibérica, e um setor industrial em crise permanente.

O secretário comarcal da CIG-Indústria, Vicente Vidal, garantiu que o sindicato continuará a luita para "quebrar o círculo vicioso" da precariedade, "demandando ao resto de sindicatos umha aposta nesse caminho, pois defender as companheiras e os companheiros eleitos polos trabalhadores/as é defender os direitos de todos/as”.

Fotos: Tonhito


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora

Publicidade
Publicidade
first
  
last
 
 
start
stop

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Eledian Technology

Aviso

Bem-vind@ ao Diário Liberdade!

Para poder votar os comentários, é necessário ter registro próprio no Diário Liberdade ou logar-se.

Clique em uma das opções abaixo.