1 1 1 1 1 1 1 1 1 1 (1 Votos)

Corvo cristado EirexasGaliza - SCAM - [Ramiro Vidal Alvarinho] Santa Cruz Aberta ao Mar une a sua voz a aquelas que já se dirigirom a instáncias da Xunta de Galicia (concretamente à Direçom Geral de Proteçom da Natureza e à Direçom Geral de Património) para reclamar a modificaçom do traçado da corrida pedestre de montanha “Trail Costa de Dexo-Oleiros”.


Foto de Adega - Um corvo marinho cristado.

Esta prova atlética é problemática desde que começou a celebrar-se no ano 2010, já que o percurso da mesma toca de perto zonas de aninhamento e cria de aves, afectando de umha maneira especial a umha importante colónia de corvos marinhos cristados e umha outra de falcom pelegrino. Som duas espécies ameaçadas que tenhem nesta paragem um dos seus principais santuários na Europa. O património arqueológico também se vê afetado polo passo da corrida, já que esta decorre polas imediaçons do castro de Ponta Roça, no que já se aprezarom nos últimos anos importantes danos.

A todo este impacto potencial, devemos acrescentar a agressom que supom a apertura de novos caminhos que atravessam também zonas sensíveis e que com o tempo se consolidariam, pois trás a prova seriam também utilizados por corredores pedestres, ciclistas e mesmo motocicletas e quads. Cabe destacar que a compataçom do solo dá lugar a outro grande problema: favorece a proliferaçom de espécies invasoras.

Santa Cruz Aberta ao Mar surpreende-se de que nem a Sociedade de Montanha Ártabros, nem o Clube de Atletismo Sada, nem a Cámara Municipal de Oleiros (entidades organizadoras da prova) dessem sequer resposta às exhortaçons dos coletivos ambientalistas e de outras vozes qualificadas; "onde fica a sensibilidade ambiental? A Cámara Municipal tem a gala a costa monumental de Dexo como grande emblema do nosso concelho, mas nom parece importar-se muito com práticas que claramente som atentatórias contra elementos que somam como valores que fam desse espaço umha cousa especial. Quanto às anteditas entidades desportivas, caberia esperar delas umha maior compreensom da necessidade de conciliar os usos lúdicos que puideram ter determinados espaços naturais com a conservaçom do méio".

Santa Cruz Aberta ao Mar nom deseja um enfrentamento com as entidades organizadoras nem que se entenda o seu posicionamento como umha oposiçom de raíz a que se celebrem provas desportivas deste tipo, mas como entidade que tem nos seus estatutos a defesa do méio natural e do património como finalidade, quer que se cumpram as normas ao respeito e que as administraçons as fagam cumprir, além de que apelam às entidades de todo tipo, incluídas as desportivas a que imprimam umha maior sensibilidade a estas questons, "pois o méio natural e o património som um bem de todos e de todas, e que portanto todos e todas temos o dever de cuidar".


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora

Publicidade
Publicidade
first
  
last
 
 
start
stop

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Eledian Technology

Aviso

Bem-vind@ ao Diário Liberdade!

Para poder votar os comentários, é necessário ter registro próprio no Diário Liberdade ou logar-se.

Clique em uma das opções abaixo.