A Galiza passou numha breve parêntese de tempo a novas relaçons com a comida, o corpo e a imagem. A Associaçom de Bulímia e Anorexia de Ponte Vedra acaba de desvendar que as doenças associadas ao novo capitalismo da imagem proliferam na Galiza.
Em menos de dez anos, os casos de homens anoréxicos e bulímicos triplicárom-se na Galiza sul, nomeadamente nas áreas urbanas. As doenças atingem todas as idades e a anorexia mesmo chega à idade infantil.
Segundo Mariám Garcia, directora da associaçons em declaraçons à imprensa empresarial, "ampliou-se o leque de idade, as classes sociais, e a doença chega aos ámbitos urbanos e rurais". Isto tem a ver, para a responsável da associaçom, com umha obsessom pola imagem que acada também o género masculino. Este modelo de homem foi fabricado no mundo anglosaxom polas empresas de marketing, e vai destinado a umha pessoa urbana, de classe média, namorada do dinheiro e da moda.
A associaçom e os responsáveis hospitalares apostam pola "sensibilizaçom" através de propaganda, sem que em nengum caso se questione o papel social da publicidade, nem umha forma de vida baseada na obtençom de dinheiro e fama pessoal.