1 1 1 1 1 1 1 1 1 1 (0 Votos)

Carimbo Marx 716x1024Galiza - Primeira Linha - No 133 aniversário de Karl Marx reivindicamos a figura do egrégio revolucionário alemám, que fundou um sistema de pensamento e de açom que continua a servir de guia à classe operária, ao povo trabalhador na sua luita contra a exploraçom e dominaçom capitalista, cujo vasto legado político e ideológico ao serviço da humanidade explorada está mais vivo que nunca.


Junto ao seu fidel companheiro Friedrich Engels (1820-1895), Marx pom todas as suas capacidades inteletuais e disposiçom militante ao serviço da luita da classe operária e das suas organizaçons revolucionárias. Apartir deles, o socialismo e o comunismo deixam de ser belas e románticas intençons, para converterem-se em projeto político da revoluçom mundial.

Desde entom, milhares de trabalhadores e trabalhadoras entregárom o melhor da sua vida luitando pola transformaçom radical da sociedade e a revoluçom socialista. Sob a bandeira libertadora, insubmissa e rebelde do marxismo, inumeráveis geraçons de operári@s, camponeses/as, jovens e estudantes enfrentárom com esta potente arma ideológica as ditaduras do capital, a militares e polícias, e a empresários e banqueiros.

Em tempos de fortes trovoadas provocadas pola atual crise capitalista em curso, a plena vigência do marxismo como método de análise e transformaçom da realidade é inquestionável e diáfana. O marxismo continua a inspirar como um lume sagrado a imaginaçom, os sonhos de emancipaçom e a resistência dos povos que pretendem caminhar com outro rumo diferente ao que nos conduz a barbárie e o caos capitalista, cara a umha mudança de raíz do mundo, das instituiçons e das subjetividades.

O génio de Marx nom criou da nada todo um sistema de ideias e de interpretaçom da realidade, logrou sintetizar na sua altura de forma completa e harmoniosa doutrinas dos representantes mais eminentes da filosofia, da economia política e do socialismo, dando respostas aos principais paradigmas que cada umha delas tinha colocado.

Materialismo histórico e dialética materialista

Marx mostrou à classe oprimida e explorada umha particular maneira de entender o mundo. Porém, nom ficou em mostrar umha mera interpretaçom da realidade e realizou um chamamento decidido à transformaçom da mesma. O marxismo é antes de mais umha filosofia da praxe, e o seu núcleo fundamental é o materialismo histórico e o método dialético.

Nada existe fora da realidade, e nada existe se nom existe ao mesmo tempo o seu contrário. Com esta filosofia Marx combateu o idealismo, a análise de toda questom cinge-se ao realmente existente e nom fica isolado da história, ao estar ligado a umha determinada etapa da mesma. Além do mais, o materialismo dialético mostra como a realidade nom é unilateral e está em constante desenvolvimento, na que há avanços, retrocessos e, incluso, estagnamentos.

O revolucionário de Tréveris explicou que o conhecimento social da humanidade (as diversas opinions e doutrinas filosóficas, religiosas, políticas, etc.) reflete o regime económico da sociedade. Depois de ter verificado esta proposiçom, dedicou-se fundamentalmente ao estudo minucioso deste sistema económico. Onde os economistas burgueses viam relaçons entre objetos (troca dumhas mercadorias por outras), Marx descobriu relaçons entre pessoas, entre produtores e expropriadores de riqueza. A teoria da mais-valia constitui a pedra angular da teoria económica de Marx, que constata e deixa a descuberto a exploraçom que sofre a classe trabalhadora polo Capital.

A visom global que proporciona o método de análise marxista diz que as injustiças de todos os modos de produçom polos que a atravessou a humanidade nom se cingem à mera exploraçom da força de trabalho d@s explorad@s, senom que a opressom e a dominaçom som fatores a ter em conta para sustentar e justificar a exploraçom. Tal conclussom é a doutrina da luita de classes, implícita na história universal, base e força motriz de todo o desenvolvimento histórico.

O materialismo histórico e dialético, a teoria da mais-valia, a luita de classes conformam os grandes alicerces do marxismo e constituem a base da crítica ao atual estado de cousas. Ao mesmo tempo, indicam ao povo trabalhador a saída da miséria à que nos levou a vorágine da crise capitalista.

Relembrar Marx para adatar e enriquecer o seu legado no presente é tarefa imprescindível para a militáncia comunista da segunda década do século XXI. Divulgar a sua figura ajudará a despertar novas consciências para desafiar a hegemonia do atual sistema que produz miséria, desemprego e embrutecimento moral num momento histórico tam signicativo como o que  estamos a viver, quando se estám a ver confirmadas na prática as principais teorias de Marx sobre o desenvolvimento capitalista.

Novas consciências que conhecem a essência da realidade e novos agentes que passam à açom revolucionária para varrer o velho e construir um novo cenário socialista é a forma de fazer realidade os ideais marxistas.

O seu legado e atualidade está mais vigente que nunca. Karl Marx e o marxismo som umha ferramenta imprescindível para a nossa emancipaçom e libertaçom, para o triunfo da Revoluçom Galega.


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora

Publicidade
Publicidade
first
  
last
 
 
start
stop

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Eledian Technology

Aviso

Bem-vind@ ao Diário Liberdade!

Para poder votar os comentários, é necessário ter registro próprio no Diário Liberdade ou logar-se.

Clique em uma das opções abaixo.