José A. Docobo, diretor do Observatório compostelano e prologuista do facsímile, explica que "dado o seu interesse e qualidade, o documento abrange todos os requisitos para ser considerado umha publicaçom científica", o que tornaria este documento, intitulado Paso de Mercurio por delante del disco del Sol el 14 de noviembre de 1907. Observaciones verificadas en Lalín, "na primeira publicaçom ao tempo que a última do currículo do sábio lalinense".
Do Cobo destaca que o própio astrónomo e matemático Alher Ulhoa figera constar que a sua primeira publicaçom científica data de 1912 e corresponde-se com as observaçons do cometa de Joannesburgo (1910a), incluídas num trabalho do Anuário do Observatório de Madrid. Porém, constava a participaçom anterior dele tanto na observaçom da eclipse de Sol de 1905 como na obtençom dos registos do tránsito de Mercúrio por diante do disco solar em 1907. A existência destes últimos estavam garantidos por umha carta de Francisco Iñíguez, daquela diretor do Observatório de Madrid, ainda que das observaçons em si nom se tinham referências.