A Comissom de Denuncia da Galiza está a denunciar o acontecido, com o que já se sumam três mortes nos últimos dous meses dentro do Centro Penitenciário que o estado espanhol tem em Teixeiro. Às 19h15 do 16 de Janeiro é encontrado morto na sua cela, mas nom foi avisada a família até as 21h00, levando um dia preso. Após quatro dias de luita, a família consegue permissom para dar-lhe sepultura; entregam-lhes o corpo a quarta-feira às 3h00 da madrugada, e esse mesmo dia é enterrado pola tarde.
O cinco de fevereiro tivo lugar umha concentraçom de protesto às 12h00 diante do Julgado de Vigilância da Corunha, na que umhas 25 pessoas exigiam o esclarescimento da morte de Antonio Pallas, solicitando, aliás, que se investiguem as circunstâncias das outras duas mortes de presos. Fontes próximas ao cárcere de Teixeiro indicárom que Antonio Pallas "se suicidó en su propia celda, según certificaron los documentos elaborados después de realizarle la autopsia", o qual parece difícil tendo em conta as estritas medidas de seguranças, que obrigam a sacar-lhe aos reclusos os cordons dos sapatos, cintos, etc... À tarde, outro grupo concentrou-se diante da Subdelegaçom do Governo.
Umha página web (http://www.queremossaber.webcindario.com/) foi habilitada para denunciar os factos e luitar polo seu esclarecimento, indicando que se pode achegar informaçom de casos semelhantes ao correio queremossabercomomurio@hotmail.com.