O caso mais recente aconteceu nestes dias a um barco de pesca galego em águas espanholas, localizado pola Capitania Marítima de Santander, que lhe comunicou umha multa por incumprir a norma legal de unicamente exibir a bandeira de Espanha na proa.
A gravidade da "infraçom" do marinheiro galego foi "maior", pois nom só colocou a bandeira galega ao pé da espanhola, como exibiu ambas num tamanho semelhante. Por incrível que pareça, um facto tam normal como exibir no barco próprio a bandeira do próprio país é punido pola legislaçom espanhola com até 120 mil euros, multa que agora Manuel Iglesias, patrom do barco em causa, afronta sem admitir ter cometido qualquer açom punível.
O curioso do facto é que o multado nem sequer reivindica a independência galega. Ele unicamente apela a umha suposta "igualdade" entre ambos símbolos, sem compreender a teima excludente do nacionalismo espanhol, cujas leis perseguem "tradicionalmente" a inclusom de bandeiras das naçons oprimidas polo Estado espanhol nas embarcaçons. Manuel refere que, tal como os edifícios oficiais exibem ambas bandeiras, também os barcos particulares devem poder fazê-lo.
A nova vítima do irracionalismo nacionalista espanhol declarou que nom vai retirar a bandeira galega do seu barco.
Foto: GzContrainfo.