1 1 1 1 1 1 1 1 1 1 (0 Votos)

190316 saGaliza - CIG - A xerencia considera que as/os doentes o aceptan “pola súa voluntaria asistencia aos centros sanitarios”


A CIG-Saúde de Compostela presentou este venres denuncia diante da Axencia Española de Protección de Datos polas vulneracións que se están a producir nesta materia na Xerencia de Xestión Integrada de Santiago. Unha infracción que, de ser así considera, podería comportar unha sanción para o SERGAS de entre 40.001 e 300.000 euros, conforme o artigo 44.3h da Lei.

Camilo Agulleiro, delegado da CIG-Saúde, explicou que o pasado mes de decembro dirixiron unha queixa á Xerencia de Santiago expoñendo que, agás no Concepción Arenal, nos restantes centros de saúde da área sanitaria, centros hospitalarios (Hospital Clínico, Hospital de Conxo, Hospital do Barbanza, Gil Casares e Psiquiátrico) e nos Puntos de Atención Continuada, os chamamentos das e dos doentes realízanse a viva voz.

“Enúnciase o seu nome e apelidos, podendo ser identificados por todos os alí presentes, sendo posíbel entón asociar a ese paciente cunha patoloxía determinada en función da consulta na que se atope esperando”, sinala Agulleiro.

Con todo, a CIG-Saúde de Compostela considera “inaceptábel” a resposta da Xerencia, que recoñeceu os feitos mais xustificou esta situación explicando que “o chamamento público de doentes, trae causa do funcionamento tradicional das institucións sanitarias, e está sendo substituído e mellorado progresivamente polo sistema numérico aproveitando a creación ou reestruturacións que se van realizando nos distintos dispositivos asistenciais”.

A isto engadía que “en calquera caso, os chamamentos públicos de doentes, debe considerarse amparado no consentimento presunto dos interesados aceptado pola súa voluntaria asistencia aos centros sanitarios”.

Para o delegado da CIG o SERGAS non pode xustificar esta situación alegando que existe unha “tradición” pola que a xente renuncia á súa intimidade ao acceder ás consultas sanitarias públicas. Entende ademais que é “unha burla” considerar que as e os pacientes darían o seu consentimento tácito a que se cedesen os seus datos polo simple feito de acudir á consulta.

Agulleiro lembrou ademais que xa en 2002 a Audiencia Nacional considerou dato persoal aquel contido que permita sen grandes esforzo a identificación das persoas ás que se refire o dato e afirmou que “é evidente que cando se chama por megafonía a un doente que se atopa nunha consulta, estanse subministrando datos médicos a terceiras persoas que se atopen no recinto, xa que é presumíbel que padece esa enfermidade”.

O representante da CIG-Saúde, que compareceu acompañado polos tamén delegados da CIG-Saúde Xosé Manuel Marcote e Xavier Alvedro, sinalou que o que demandan é o establecemento dun sistema de disociación, que non permita a identificación da persoa, tal e como o que está funcionando no centro de Saúde Concepción Arenal, na Seguridade Social ou en Facenda.

Ademais, diante da resposta do SERGAS demandan da Axencia de Protección de Datos a apertura dun expediente sancionador o que podería supor, de se considerar que houbo vulneración dos dereitos das persoas, unha sanción grave de entre 40.001 e 300.000 euros.


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Eledian Technology

Aviso

Bem-vind@ ao Diário Liberdade!

Para poder votar os comentários, é necessário ter registro próprio no Diário Liberdade ou logar-se.

Clique em uma das opções abaixo.