Neste período de tempo, o corrupto governo de Angel Currás empregou todo o tipo de manobras para atrasar umha e outra vez umha resposta que todos os prognósticos apontavam que iria ser negativa. Entre as múltiplas gestons realizadas para adiar a resposta municipal, inclusive chegárom a reconhecer a perda da solicitude entre os diversos departamentos quando foi cursada legalmente no registo municipal.

NÓS-UP denuncia este novo atropelamento contra os direitos e as liberdades fundamentais por parte de um governo instalado nas posiçons do mais recalcitrante espanholismo e desprezo polos sinais identitários do nosso país.

Com umha decisom exclusivamente justificada no sectarismo político o PP de Compostela pretende evitar o inevitável: que a Galiza consciente ocupe as ruas da capital do nossa pátria no Dia Nacional da Galiza.

Mas, por muito que pese a Currás, Feijó e companhia, NÓS-UP realizará o jantar de confraternizaçom após finalizar os atos políticos do Dia da Pátria, num espaço alternativo do queal informaremos amanhá.

Direçom Nacional de NÓS-UP

Galiza, 22 de julho de 2013