Amelia González, Cecilia Sierra, María Pardo, Luis García Bello, Juan de la Fuente, María Castelao e Francisco Noya decidírom na Junta de Governo de 30 de maio que o Concelho de Compostela pagasse a defesa jurídica de Adrián Varela, imputado na Operaçom Pokémon.
É indecente e injustificável que um cargo público acusado de graves irregularidades e imputado num processo por corrupçom, empregue o erário municipal para sufragar a sua defesa!
Deste jeito, estes 7 senhores e senhoras, unem-se ao alcaide Ángel Currás, mais a Rebeca Domínguez e a Adrián Varela, provocando que 10 dos 13 vereadores/as do PP estejam imputados em diversos delitos.
Chove no molhado
Rajói é umha cova de ladrons e corruptos. Compostela, o povo trabalhador, o que dia a dia luita por chegar a fim de mês, nom pode permitir esta situaçom. A cidade nom merece isto, nom podemos ter um governo municipal ineficaz e corrupto. Há que botá-los. Nom se pode permitir seguirmos governadas por umha equipa de delinqüentes.
Já no verao manifestamos quem poderia ser o seguinte, e respondemos que essa pergunta só se deveria formular quando @s nov@s imputad@s já nom tivessem nem ocupassem responsabilidades no governo municipal.
Mas, contrariamente aos mais pesimistas prognósticos, a prática totalidade da equipa que governa a capital da Galiza está imputada.
Currás é um alcaide ilegítimo e nom pode continuar à frente de Rajói, por muito que conte com o apoio político de Feijó e Paula Prado.
NÓS-UP solicita umha vez mais a demissom de Ángel Currás, a dissoluçom da Corporaçom municipal e a convocatória de novas eleiçons.
PSOE cúmplice do PP
A negativa do grupo municipal do PSOE a solicitar a demissom e dissoluçom do governo municipal de Currás constata as cumplicidades desse partido com o PP. Optam por dar oxigénio ao PP porque sabem que as suas fileiras nom estám limpas. Agora eu tapo-te a ti e mais tarde tu tapas-me a mim!
O povo de Compostela bem sabe que é mera questom de tempo ver acusados pola Pokémon a Bugalho, Bernardino Rama e outros destacados ex-responsáveis políticos.
Mobilizaçom social
NÓS-Unidade Popular apela às forças políticas e sociais comprometidas com outro modelo de cidade, alternativo ao do PP-PSOE, a mobilizar o povo trabalhador de Compostela para forçar a saída do PP de Rajói mediante a dissoluçom da Corporaçom e a convocatória de eleiçons anticipadas. Sabemos que nom se vam ir voluntariamente, polo que a única alternativa é botá-los.
Nom chega com declararons retóricas, há que agir, há que forçar a saída de Currás e o seu cártel.
É hora de adotar medidas firmes para que o PP nom se siga burlando da vizinhança de Compostela, para evitar que tanto roubo e corrupçom caia no saco do esquecimento.
Só novas eleiçons poderám superar este nefasto capítulo da nossa história mais recente e lograr a restauraçom democrática no Concelho, afastando das responsabilidades municipais a trama corrupta que mediante concessons e contratos públicos enriquecêrom os responsáveis do PP e os seus "amiguetes" à custa da miséria do povo trabalhador.
Mas sendo urgente e imprescindível é insuficiente. Sem um concelho transparente, baseado numha democracia protagónica, a corrupçom seguirá-se a reproduzir qual vírus nom erradicado. A municipalizaçom dos serviços públicos e a gestom democrática, aberta e participativa dos mesmos som a única vacina útil contra a corrupçom.
Compostela, 15 de outubro de 2013