O julgamento a 7 vereadores e vereadoras do governo municipal do PP, após serem denunciados pola decissom de pagar com dinheiro público a defesa do já demitido Adrián Varela (também vereador e imputado na “Operaçom Pokémon”), finalizou com umha sentença condenatória para estes cargos públicos. Som 9 anos de “inabilitaçom especial para o exercício de emprego ou cargo público” para mais da metade da equipa municipal do Partido Popular, que se compom de 13 pessoas em total (a denúncia só atingiu @s 7 que participárom na Junta de Governo que adotara aquela decissom).
As e os vereadores condenad@s agora por prevaricaçom som Amelia González, Juan de la Fuente, Cecilia Sierra, María Pardo, María Castelao, Francisco Noya e Luis García Bello.
Se bem a sentença da Sala do penal número 1 dos Julgados de Compostela é recorrível, com ela a situaçom do governo municipal encabeçado por Ángel Currás (imputado também na Pokémon) fai-se insustentável. Um governo já muito deteriorado publicamente após diveros casos de corrupçom e condenas judiciais que conlevárom até o de agora a demissom, entre outros, do ex-presidente da Cámara Municipal, Gerardo Conde Roa.