1 1 1 1 1 1 1 1 1 1 (0 Votos)

ncGaliza - Diário Liberdade - Num processo anunciado e iniciado em meados de 2015, Agir, Comités e LEG estám a dar os últimos passos para a constituiçom em março da entidade unitária do estudantado nacionalista e independentista galego.


Recentemente explicárom em conferência de imprensa o curto caminho que resta para que a Galiza conte com umha entidade unitária no ámbito da esquerda estudantil.

Agora, cinco estudantes e militantes das Assembleias de Base publicam um "artigo de opiniom coletivo" em que denunciam um alegado golpe de mao do que definem como "cúpulas burocráticas" das organizaçons que fazem parte das Assembleias de Base. Os cinco assinantes nom estám "enquadrados em nengumha das três entidades" que criticam.

Denunciam umha alegada "farsa" numha unidade que também seria "falsa", convertindo-se numha "fagocitaçom", dizem, do independentismo e o socialismo. Reproduzimos a seguir o comunicado encaminhado para este portal:

A farsa da falsa unidade estudantil

A 2 de fevereiro de 2016, Agir, Comités e LEG anunciárom mediante um manifesto o início dum processo constituínte que culminará em março com a fundaçom dumha “nova organizaçom do estudantado nacionalista galego”.

Nom podemos mais que manifestar perplexidade perante a convocatória unilateral de um congresso de "unidade" entre estas organizaçons, suplantando a opiniom da maioria do estudantado que fazendo parte das Assembleias de Base nom estamos enquadrados em nengumha das tres entidades.

Estamos pois ante um golpe de mao das cúpulas burocráticas para unificar-se violentando o processo assemblear.  Um facto que evidencia o engano, a instrumentalizaçom e manipulaçom a que fomos submetid@s nestes meses.

O resultado, contra o que aparentemente se queira transmitir, é a fagotizaçom de facto das organizaçons estudantis independentistas e socialistas polos Comités, mediante a criaçom de umha nova força que se define como “nacional, popular, feminista, assemblear e combativa”.


Além do retrocesso que supom esta falsa “unidade do movimento estudantil” no ámbito político-ideológico, este acordo unilateral sem contar com as assembleias supom umha falta de respeito, umha flagrante violaçom da democracia e do assemblearismo, umha instrumentalizaçom dumha parte importante do estudantado que participamos das Assembleias de Base e que fomos, polo que se vê, manipulados polas burocracias. O decidido na última AB de Compostela foi exatamente o contrário, pois a maioria do estudantado que a conforma nom está nesta jogada de cúpulas.

Para impor o seu calendário os portavozes da incoerência e do esteticismo “rebelde” aplicárom umha purga, excluindo  dúzias de estudantes que participamos desde o início no processo para assim garantir o sucesso dumha unidade previamente definida que nom se ajusta ao processo que deu lugar a criaçom das Assembleias de Base.

Os mesmos que iniciam e aperturam o processo das Asembleas de Base, logo nom assumem democraticamente a derrota de nom serem maioritários dentro das assembleias.

Precipitada unidade orgánica. As Assembleias de Base

Após o estabelecimento dumha unidade de açom entre os Comités, LEG e Agir no campo estudantil durante os últimos dous cursos académicos que tenhem permitido frear o avanço do espanholismo e reconfigurado o imprescindível quadro nacional de luita (greves gerais no ensino galego de 24 outubro de 2013, 20 de fevereiro e 2014, 26 de fevereiro e março 2015), iniciárom-se no primeiro trimestre de 2015 as primeiras conversas para a unidade orgánica do movimento estudantil galego. Iniciativa que partiu da UPG via Comités.

O processo tinha um calendário muito acelerado, com escassos margens de informaçom entre a militáncia das organizaçons (polo menos de Agir e da Liga) e carência de espaços de trabalho para a sintonizaçom d@s ativistas. O processo pretendia a toda custa culminar com a constituiçom dumha nova organizaçom em março de 2016. A tentativa de acumular forças mediante a posta em andamento das Assembleias de Base constatou a falta de sintonia entre o estudantado nom aderido às organizaçons que as promovérom.

Desde o primeiro momento esta iniciativa foi concebida como umha falsa unidade, um engano que alimentando falsas esperanças, tam só vai absorver o estudantado independentista galego, constituíndo umha organizaçom reformista e nacionalista que renuncia aos princípios do estudantado rebelde, socialista e independentista com o que nos identificamos.

A inicial ideia de convocar greve geral em outubro de 2015  para contribuir para avançar e consolidar o processo nom se tem logrado pola precipitaçom e polas enormes contradiçons internas. Constatárom-se neste medio ano permanentes  dificuldades para consolidar os princípios e a estrutura organizativa.

Perante estas diferenças antagónicas no ámbito político, ideológico e de modelo organizativo os pontos mínimos fôrom impostos  de maneira unilateral.

As dinámicas do processo fôrom idóneas para a fagocitaçom do estudantado socialista, independentista e feminista polo da esquerda nacionalista. As bases duns princípios ideológicos deliberadamente confusos, onde se renuncia ao socialismo, optando por umha difusa caraterizaçom de “organizaçom popular e democrática”, ou onde se define ambigüamente a luita de libertaçom nacional, falando da procura da soberania nacional, sem identificar o consequente objetivo dum Estado próprio, independente e soberano, em forma de República Galega.

É dificil luitar por umha nova sociedade quando nom se respeita a democracia participativa. A militáncia de base é a principal afectada num erróneo processo de unificaçom que só beneficia os Comités e que liquida o projeto revolucionário que Agir inícia em 2000.

Nom vamos pois participar nesta farsa porque viola o processo assemblear e porque renúncia ao legado e trajetória estudantil revolucionária com que nos identificamos e consideramos essencial para poder fazer frente ao processo de mercantilizaçom, privatizaçom e espanholizaçom do ensino na Galiza.

Hoje, ao igual que em 1999 foi constituida a Federaçom Estudantil Revolucionária (FEER) e no ano seguinte Agir, é necessário vertebrar um projeto estudantil de caráter socialista, independentista e feminista.

Nico Felgueiras, Assembleia de Base Compostela, ex-filiado de Agir.

Aarom Munhoz, Assembleia de Base da Lourinha.

Heitor Munhoz, Assembleia de Base Compostela.

Rubém Mendez, Assembleia de Base de Vigo, ex-filiado de Agir.

Joám  Gonçalves, Assembleia de Base Lourinha.

Galiza, 10 de fevereiro de 2016


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora

Publicidade
Publicidade
first
  
last
 
 
start
stop

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Eledian Technology

Aviso

Bem-vind@ ao Diário Liberdade!

Para poder votar os comentários, é necessário ter registro próprio no Diário Liberdade ou logar-se.

Clique em uma das opções abaixo.