Os datos que temos do destrozo producido polo goberno de Feijoo na sanidade pública son claros, e mostran o claro camiño cara unha sanidade privada en mans de multinacionais e fondos de inversión.
A redución orzamentaria total en sanidade do ano pasado foi dun 10,2% e na atención primaria dun 22,3%, nunha clara aposta polo modelo hospitalario que beneficia ás multinacionais farmacéuticas e tecnolóxicas.
En persoal o recorte orzamentario foi dun 30,67%, e fomos a comunidade que mais recortou do estado español.
Pecháronse xa definivitamente case 500 camas en toda Galicia e a cifra segue a aumentar, cunha intención clara de favorecer os intereses do sector privado.
Todo isto, e moito mais, provoca sufrimento e dor na poboación, incrementándo as listas de espera, e colapsos nas urxencias.
Tamén denunciamos a situación precaria dos internos e internas das residencias xeriátricas e centros de dependentes, onde a escaseza de persoal, de medios e de mantemento, provoca unha atención deficiente, cun elevado risco para a saúde, tanto dos profesionais como dos usuarios e usuarias.
Por todo isto, e con mais forza si cabe co ano anterior, esta coordinadora, e tódalas organizacións que participan na mobilización, nas diferentes vilas de Galicia, chamamos á cidadanía a manifestar o seu rexeitamento a este desmantelamento programado do noso sistema sanitario público, e non o pararemos de facer ata conquerir unha sanidade pública, universal, gratuita no momento da prestación e de calidade.
Acude a defender o que é teu.
A SANIDADE NON SE VENDE, DEFÉNDESE!!!