A pesar dos reiterados anuncios desde diversas institucións e cargos institucionais a realidade é que as obras aínda non comezaron. Hai que lembrar que este centro está financiado con fondos FEDER procedentes da Unión Europea, un 80%, e ten un prazo obrigado de remate en Decembro de 2015. Se non se cumpren estas condicións perderíanse os cartos.
Outro atranco que pode dificultar que realización deste proxecto é a situación da empresa concesionaria, a multinacional Cofely, que está implicada na trama de corrupción da “Operación Púnica”.
A isto hai que sumarlle a liña de alta tensión que o concello quedou en soterrar, obra que tampouco está feita.
Do colectivo consideran que o pobo de Marín debe demandar dos distintos estamentos políticos e institucionais un compromiso real coas dotacións sanitarias no noso concello. O novo centro de saúde é unha necesidade urxente para dignificar a atención sanitaria en Marín, polo que as obras deben comezar canto antes. Fan un chamamento a participación nesta asemblea para, entre todos e todas, decidir as actuacións necesarias.
Asemblea sobre o futuro centro de saúde de Marín: Sábado 13 de Decembro, ás 17h na Biblioteca Municipal