O governo de Espanha da mao do seu Ministério de Fomento, aprovou a começos deste ano a construçom da autoestrada A-76 desde a localidade do Requejo ate A Veiga da Cascalha com um percurso de 10,7 Km e um custe aproximado de 223 milhons de euros. Esta, atravessará o Parque Natural da Serra de Enzinha da Lastra, que tem umha extensom de 3.151,67 há. O dano seria imenso e irreparável. Lembremos que este lugar é único no nosso país polo seu terreno calcáreo com covas protegidas, paisagem natural única com surpreendentes formas como as do Val do Inferno, floresta muito escassa no nosso país por ser mais própria do clima mediterráneo ou a riqueza faunística sendo declarado ZEPA (Zona de Especial Proteçom para Aves). O mais grave de todo isto é que existem outras alternativas para esta via que teriam um impato ambiental muito inferior e que levariam a auto-estrada polo sul seguindo o actual traçado da N-536.

A devastaçom do nosso território nacional em zonas estratégicas pola sua imensa riqueza natural já é umha constante por parte do capitalismo depredador que o governo espanhol nos impóm. A recente prorrogaçom à fábrica pasteira ENCE por mais 70 anos de contaminaçom da ria de Ponte-Vedra é umha evidente prova disso.

Ficarmos quedas e impassíveis enquanto destruem a terra como o nosso principal meio de vida, nom é umha opçom. As moças e moços galegos temos o dever de proteger o entorno no que vivimos, desenvolver consciência e prática coerente do ecologismo e pelejar para defender algo tam elemental como as nossas vidas.

Progressar nom é destruir. Com Espanha e o Capital, sim!
Defendamos a nossa terra! Defendamos a Serra de Enzinha da Lastra!