A saida será às 10:00h desde a Alameda Rosalia de Castro de Marim, e contará com a participaçom do arqueólogo marinense Lukas Santiago que dará umha pequena charla na zona dos petróglifos de Mogor.
Será a primeira dumha serie de andainas dentro do programa "Conhecendo o nosso entorno". É umha andaina dums 9 km, de dificultade baixa e duraçom estimada de 2 horas e media.
É umha ruta de grande beleza, de gram valor cultural, paisagístico e natural, e na que se caminhará pola prática totalidade do litoral marinense, passando polas praias de Portocelo, Mogor, Aguete, Loira e a do Santo.
Como lugares de especial interesse destacam os petróglifos de Mogor, nos que haverá umha pequena parada, e no final do percorrido a ilha do Santo.
É um roteiro nom circular, polo que sería conveniente que aquelas pessoas que poidam deixem um vehículo na Praia do Santo para voltar a Marim ao rematar. Conveniente, mas nom imprescindível, pois desde a organizaçom se deixará algúm veículo no final do roteiro.