Moitas veces o que debería de ser un acceso seguro e transparente a un servizo público (como a sanidade ou a educación) convértese, de feito, nunha “carreira de obstáculos”. Esta é a conclusión á que chegou a Oficina de Dereitos Sociais de Coia e Baladre. A partir de esta idea, o colectivo traballou para recoller as súas experiencias en forma de consellos, indicacións e pautas que veñen de plasmar na Guía de Dereitos Sociais.

Este documento se presentará mañá, venres 15 de Outubro as 20:00 horas no Centro Social A Comuna (Verea do Polvorín 35, baixo). Os compañeiros da ODS de Coia e Baladre nos falarán das claves que eles consideran útiles para todas aquelas persoas que pensan acudir ou xa tiveron contacto co mundo dos servicios sociais.

O colectivo valora esta guía como unha ferramenta máis coa que loitar polo dereito a unha vida digna para todas e explican que hoxe, por desgracia, convén ir informados de antemán e romper a idea de “culpabilización individual” que socialmente se lles presenta aos que acoden aos Servicios Sociais en busca dos seus dereitos.