1 1 1 1 1 1 1 1 1 1 (1 Votos)

090815 antitaurinaGaliza - Diário Liberdade - Centenas de pessoas manifestárom-se neste sábado dia 9 antes da chegada da feira taurina com que anualmente se afirmam os setores setores mais pró-espanhóis da burguesia pontevedresa. 


O maltrato animal voltou a provocar o rejeitamento coletivo nas ruas de Ponte Vedra, onde centenas reclamárom às instituiçons públicas que deixem de financiar tam bárbaro espetáculo. 

Com saída da praça da Peregrina, perto da Praça de touros da cidade, nas vésperads da primeira tourada da Feira Taurina que costuma incluir-se nas Festas da Peregrina, umha grande manifestaçom convocada por dúzias de coletivos reclamou umha Ponte Vedra e umha Galiza sem touradas.

Para além dos importantes subsídios diretos da Deputaçom, a plataforma denunciou o acordo assinado polo governo municipal de Ponte Vedra, em maos do BNG, com a entidade que tem a gestom da raça de touros, que supom 45 mil euros anuais para esse coletivo. O pagamento de dinheiro público para a realizaçom de eventos nesse local serve aos taurinos pontevedreses para financiar as suas atividades, se bem o governo de Miguel A. Fernandes Lores nom subsidia de maneira direta a Feira Taurina. Curiosamente, o BNG estivo presente com faixa própria na manifestaçom antitaurina.

Porém, o maior financiamento para a tauromaquia em Ponte Vedra vem das instituçons em maos do Partido Popular. Os coletivos antitaurinos reclamam "um exercício de transparência", que inclua a publicaçom das contas do dinheiro entregue polo PP à "festa nacional" espanhola na cidade. Nom só das ajudas diretas, mas também dos subsídios a coletivos pró-touros, chamados "peñas".

Entre as palavras de ordem e faixas dos coletivos abolicionistas das touradas, vírom-se algumhas com a legenda "A tortura nom é nem arte nem cultura" ou "Subvençom para a tortura nom, obrigado". Coreárom-se reclamaçons como "Tauromaquia, aboliçom" ou "Sem touradas, Galiza é melhor".

O exemplo da Corunha, onde o fim do subsídio público municipal fijo desaparecer neste mesmo ano as touradas, serve agora para insistir na necessidade de que a Galiza inteira fique livre de maltrato animal gratuito.

Eis a lista de coletivos que apoiárom a marcha anti-touradas ontem em Ponte Vedra:

Até 95 colectivos estiveron presentes na marcha ou remitiron o seu apoio. Son Equo Galicia, Isca!, Asociación Cultural 105 Besos, APDR, Ceivar, Irmandade Druídica Galaica, Protectora Os Biosbardos, Coordinadora Protectoras Provincia de Pontevedra (ACOPO), Colectivo Nacionalista de Marín AC Almuinha, Causa Galiza, Gentalha do Pichel, Gatos en los Árboles, Esquerda Unida Pontevedra, Protectora de Animais Peludos sen Fogar , A.C. Amig@s da Cultura,Assembleia Feminista Galega, Anova Pontevedra, Amigos da Terra, Vox Ánima,: Distribuidora Anarquista Polaros, Antiespecismo Pontevedra, Liga Estudantil Galega , Xeira, Liceo Mutante, Marea Pontevedra, BNG, Adega, Igualdade Animal, Asociación E.D.D.A, Mulheres Nacionalistas Galegas, Galiza Nova, Solfabirras( banda de música), Lena Protectora de Animais, Galiza Contrainfo, PCPG, Refuxio de animais de Cambados, Partido da Terra, Verdegaia, Animales sin Fronteras, A Cova dos Ratos, Galicia, Mellor sen Touradas, Mocidade pola Abolición, Animalistas ao Concello, A Coruña Libre de Touradas, Cora Sayers (banda de música), Clínica Veterinaria Seixo Vet, Protectora Morrazo Pontevedra, Movemento Estudantil do Carballiño, Espazo Ecosocialista, Agir, Podemos Pontevedra, Os Palleiros, Pontevedra Fútbol Gaélico, Capitán Gosende, Antía Picón Despacho de Avogados, Asociación Cultural Deportiva Dorna Arousa, Asociación Cultural En Pé, Asociación Cultural Alén Nós, Protectora Arco da Vella, Atlético Fragas Atlético Estación, Asociación Cultural Os Chichisos, Centro Social Fuscalho, Vaipolorío, Fundaçom Artabria, Queremos Galego Marín, Vaipolorío, Gato Pirata Comité Pro Animal A Mariña, Que desilusión!, Asociación Animalista Libera, Refugio Noé Redondela, Briga, Asociación Abeiro, CIG, Matar por Matar Non, Colonias Canguesas, Marea Veciñal de Marín, Asociación Moura, SOS Animalia, Suevia Fútbol Gaélico, Torques Fútbol Gaélico, Afiadoras Fútbol Gaélico, Cascarilha Fútbol Gaélico, Sociedade Cultural e Deportiva do Condado, Avante Morrazo, Ambilokwoi FG, Carcamáns FG, Liga Gallaecia,Gatocan, Asociación Cultural Festival das Brétemas, Proyecto Gato, Amigos da canceira de Poio, Protectora Vigo Mascotas e aPlataforma de Emigrantes Retornad@s de O Salnés.

 

Galeria de fotos da manifestaçom realizada por GZFotoaqui.

Foto acima de GZFoto.


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora

Publicidade
Publicidade
first
  
last
 
 
start
stop

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Eledian Technology

Aviso

Bem-vind@ ao Diário Liberdade!

Para poder votar os comentários, é necessário ter registro próprio no Diário Liberdade ou logar-se.

Clique em uma das opções abaixo.