Foto de Sailu Viento (CC by-sa/2.0/) - O peirao de Baralhobre.

Na Concentración do pasado día 27 na mesma Ribeira de Barallobre, acordaron presentar estas sinaturas no Concello de Fene como unha demanda veciñal para reivindicar a Rehabilitación do Edificio de Fondomar, cuxa concesión rematou hai máis de quince anos, a mellora do entorno, a construción dun parque o derrube da muralla..etc.

Esta iniciativa cidadá pretende alcanzar un consenso social para dar un maior aproveitamento deste entorno para fins sociais, como pode ser un Centro adicado a Cultura, Deporte e hostelaría.

Por isto, pedirán unha entrevista co Alcalde de Fene e membros da corporación municipal para conseguir a súa implicación política co fin de buscar alternativas e un proxecto común que coordinen este obxetivo con outras administracións como Autoridade Portuaria , Xunta de Galicia, Deputación da Coruña e a posibilidade de conseguir Fondos Europeos.