Os Axentes Medioambientais de Galiza, poñen de manifesto ante a opinión pública que a Consellería do Medio Rural e do Mar actualmente conta cun só helicóptero para apagar todos os lumes que xurdan en Galiza. As bases de helicópteros propias da Xunta de Galiza permanecen inoperativas por non ter helicóptero e mentres as brigadas helitransportadas destas bases teñen que desprazarse a incendios fóra da sua provincia en vehículos, como foi o caso da brigada de Campiño no lume forestal de Lousame donde arderon 28,1 has.
Os Axentes denuncian que a política de contratación que utiliza o Goberno autonómico para contratar os medios aéreos de loita contra incendios non é a axeitada, posto que tivo operativas bases aéreas durante meses de choiva e agora no mes de xuño, cando son realmente necesarias, éstas permanecen pechadas.
Pídenlle á Consellería que corrixa esta situación de maneira urxente.
