Se bem as condenas continuam, veem-se reduzidas e evitam assim a entrada em prisom das pessoas represaliadas por participarem em atos de defesa da língua nas ruas da capital galega perante a provocaçom pró-espanhola de 'Galicia bilingue'.
Ao todo, as penas reduzem-se até os 5 anos e 3 meses (eram de 11 anos e 5 meses), vista a nulidade dos vídeos utilizados na acusaçom e o facto de os supostos "crimes" de "atentado" ser considerados individualizadamente. Assim sendo, certifica-se nom ter existido identificaçom expressa por parte de nengumha das pessoas que alegadamente teriam sofrido tais "atentados". Também funciona como atenuante a "dilaçom indevida" do processo, seis anos depois daquela jornada de imposiçom espanhola em Compostela.
Fica para a história a petiçom inical de quase meio século (45 anos!) e de indemnizaçons de 34 mil euros contra 12 pessoas, num julgamento decorrido em 2014. Finalmente haverá indemnizaçons de 1.620 euros (6 por dia) para um condenado de 1.255 para outro. Mais dous terám de pagar 160 euros em comum.
Cinco das pessoas acusadas inicialmente ficam absolvidas.