Segundo a CNT, as pessoas detidas foram encarceradas por exercer o direito à liberdade de expressão artística, com a colaboração covarde do governo municipal de Madrid que, num exercício de equilibrismo impossível, tentou agradar a todo o mundo.

Neste sentido, o sindicato afirma que não só esta obra não é merecente de nenhum tipo de castigo, mas que deveria haver mais obras como esta, tendo em conta a situação e miséria e repressão em que se encontra a classe trabalhadora na atualidade.

Os titeriteiros saíram do cárcere, mas com cargos e com umas medidas cautelares de comparecência diária, retirada de passaporte e fixação de domicílio. Os manifestantes convocados pola CNT exigiram a liberdade dos titeriteiros, sem cargos de nenhum tipo.

Concentración en Ferrol pola retirada dos cargos aos titiriteiros

O sábado 13 de febreiro celebrouse na praza de Armas de Ferrol unha concentración pola retirada dos cargos aos titiriteiros acusados de enaltecemento do terrorismo.

Alí estivo o Sindicato de Oficios Varios da CNT de Ferrol, xunto a outros colectivos e persoas a título individual englobadas nas Marchas da Dignidade de Ferrolterra.

Repartimos entre as presentes o panfleto que aquí reproducimos e portamos unha faixa coa lenda "Stop Represión. Liberdade total" e a cara de Pinocho, quizais o máis universal dos monicreques, encanonado por unha pistola.

E, pola nosa parte, seguiremos esixindo a retirada dos cargos aos compañeiros e a rehabilitación da súa honra e imaxe, e que asuman as súas responsabilidades os culpábeis deste atentado contra a liberdade de expresión, a cultura e os dereitos dos artistas.

Se tocan a unha, tócannos a todas!