Foto da RSP
TRABALLO SOCIAL
Este colectivo está a desenvolver unha labor social que consiste en mellorar a situación precaria e ofrecer axuda a quen verdadeiramente o precisa, que cada vez é máis xente no contexto de crise que nos toca vivir. Para isto contan cun local, un edificio abandonado, antes en estado ruinoso que con moito esforzo teñen recuperado sen facer modificacións nin alteracións, onde recollen alimentos, roupa (creación dun roupeiro solidario), xoguetes, organizando charlas, clases de idiomas, obradoiros varios, asistencia legal, psicolóxica… dun xeito desinteresado e por suposto, sen ánimo de lucro.
MOTIVO DA CONCENTRACIÓN
Por todas estas actividades que realizan, enfróntanse a unha orde de desaloxo e outra de multa, que neste caso recaería na compañeira Elisa, unha das persoas máis implicadas neste proxecto.
INSTITUCIÓNS PÚBLICAS E NÓS
Con este tipo de actuacións os organismos públicos demostran coa súa forma de actuar de parte de quen están. "Nós, a CUT, estamos coa R.S.P. pola súa coherencia solidaria", din.
É o momento de tomar posicións. Con quen vas estar?