O atual regime espanhol emanado do pacto da Transiçom tem aprovado nos últimos anos um conjunto de medidas legislativas tendentes para melhorar o aparelho repressivo visando esmagar a luita nacional, operária e popular.
Contínuas reformas do Código Penal, a “Lei Mordaça”, a “Lei de Segurança Nacional”, a de “Enjuiçamento Criminal” e o pacote de medidas de exceçom sob a justificaçom do “Pacto Antiyihadista”, som parte de umha mesma estratégia: tam só procuram restringir liberdades básicas e dar mais poderes ao aparelho repressivo.
Simultaneamente aos cortes nos orçamentos da educaçom, da sanidade, dos serviços e prestaçons sociais, em subsídios aos setores mais desfavorecidos, os governos do PSOE e do PP tenhem disparado o incrementado das despesas em material e recursos dos corpos repressivos: Guarda Civil, forças policiais, sistema penitenciário e judicial.
A burguesia sabe perfeitamente que a única forma de transformar o sistema é a luita organizada e unitária do povo empregando a rua como espaço prioritário. Eis polo que se prepara constantemente para esmagar as legítimas reclamaçons populares.
Também sabe que frente à inofensiva retórica da esquerda espanhola, comprometida com a lógica institucional da falsa “normalidade democrática”, som basicamente as organizaçons independentistas e anticapitalistas as únicas forças políticas genuinamente revolucionárias.
Eis a razom porque estám permanentemente submetidas à estrategia criminalizadora e intoxicadora dos seus meios de (des)informaçom, à vigilância, seguimento e controlo polo seu aparelho repressivo e polo que som golpeadas mediante toda forma de repressom: multas administrativas, detençons, sançons penais e mesmo ilegalizaçom.
Agora Galiza manifesta mais umha vez a sua solidariedade com @s 9 militantes de Causa Galiza detid@s a 30 de outubro de 2015 numha operaçom repressiva desenvolvida pola Guarda Civil seguindo umha decisom do tribunal de exceçom denominado “Audiência Nacional”.
A “Operaçom Jaro” tinha umha clara finalidade política e mediática: desviar a atençom perante o malestar social gerado polas políticas de austeridade e corrupçom do governo bandido que ocupa o palácio da Moncloa e a sua franquia de Sam Caetano, e perante a firme decisom do povo catalám de avançar face a sua independência nacional.
Agora Galiza manifesta a nossa oposiçom à ilegalizaçom de Causa Galiza, exigimos a anulaçom da causa contra estes 9 independentistas, solicitamos a derogaçom de todas as leis de exceçom aprovadas polos governos do PSOE e do PP, e a liberdade do conjunto d@s pres@s independentistas galeg@s.
Perante o processo de fascistizaçom sobre o que transita o regime postfranquista só a luita nacional, operária e popular impossibilitará a nossa derrota como naçom, povo e classe.
Stop repressom espanhola!
Liberdade independentistas!
A luita é o único caminho!
Viva Galiza ceive, socialista e feminista!
Direçom Nacional de Agora Galiza
Na Pátria, 24 de janeiro de 2016