Foto de Galiza Contrainfo (CC BY-NC-SA) - Manifestaçom para exigir tratamento para a hepatite C.
O interno non recibira o tratamento para a hepatite C que padecía. Hai uns dias a Fiscalía presentou denuncia contra o SERGAS por responsabilidades penais derivadas de non faciliar medicamentos a doentes que acaban falecendo.
Denuncia o Sergas por non receitar medicamentos contra a Hepatite C
A fiscalía vén de presentar unha denuncia contra o Servizo Galego de Saúde (Sergas) nos xulgados de Compostela polas restricións impostas pola Xunta aos fármacos receitados a enfermos de hepatite C. O ministerio público considera que hai responsabilidades penais na cúpula directiva de Sanidade por non ter facilitado os medicamentos a doentes que acabaron falecendo.
Cando menos tres, segundo o texto da demanda, terían morto pola negativa a administrarlles as medicinas. "Pero esta só é a pequenísima punta do iceberg", advirte Quique Costas, voceiro da Plataforma Galega de Persoas Afectadas pola Hepatite C, colectivo que organizou e liderou as mobilizacións que durante meses pedían unha solución a unha problemática que causou mortes, "sufrimento e angustia".
Foi un dos que levantou a voz no Parlamento após a negativa do PP a garantir os tratamentos e insiste en que "decisións políticas" do Goberno de Núñez Feijóo provocaron varias mortes en Galicia. "Non o digo eu nin a Plataforma, é o que di a fiscalía despois de nove meses de investigación e 200 folios nas dilixencias", aclara.
Máis información aquí.