Umha desproporcionada condena que os jovens se virom na obriga de aceitar para evitar o seu ingresso na cadeia, pois a montagem policial e a presunçom de veracidade da que os “agentes” gozam no Estado espanhol, impedia umha defesa em igualdade de condiçons, como já é por todas e todos conhecido.
De BRIGA parabenizamo-nos por que os 3 jovens lograssem impedir o seu ingresso em prisom mas reiteramos a nossa enérgica denuncia a este juízo farsa orquestrado polo aparelho repressivo espanhol contra a dissidência política juvenil. Um juízo de caráter exemplarizante que pretende enviar umha mensagem: o protesto e a rebeldia som poderosamente perseguidos e castigados.
A involuiçom do regime espanhol é evidente; nom vamos insistir nos numerosos factos que provam a deriva autoritária do Estado espanhol, mas sim julgamos preciso reiterar a nossa disposiçom a continuar a luitar, sem pôr-lhes doada a repressom mas sem que esta nos pare.
STOP REPRESSOM CONTRA A JUVENTUDE REBELDE GALEGA!
A LUITA É O ÚNICO CAMINHO!