1 1 1 1 1 1 1 1 1 1 (2 Votos)

MarchaGaliza - Diário Liberdade - Reproduzimos os comunicados de ambas organizaçons independentistas em apoio à Marcha às Cadeias pola volta à Galiza dos presos e presas independentistas.


NÓS-Unidade Popular

De NÓS-Unidade Popular chamamos a participar amanhá, sábado 17 de janeiro, na IX Marcha às Cadeias que convoca  Que voltem Para a casa!.

Frente à repressom policial, judiciária e penitenciária espanhola, toda a esquerda social e política galega deve defender os direitos das pessoas represaliadas. Especialmente, devemos solidarizar-nos com as que sofrem de maneira intensa e particularizada, por defenderem direitos democráticos fundamentais como som so direitos nacionais da Galiza, assim como as suas famílias e amizades, atingidas pola loucura repressiva do Estado espanhol.

Reclamamos a liberdade de Teto, Maria, Antom, Edu e Carlos e desejamos a sua volta para a Pátria da que fôrom injustamente arrancad@s polo Estado opressor. Da mesma maneira assumimos como próprias as reivindicaçons do coletivo  de familiares e amig@s de presos e presas independentistas galegas:

1. A derrogaçom da legislaçom antiterrorista que provoca o desamparo judicial e a indefensom das pessoas detidas.

2. A posta em marcha de todos aqueles mecanismos jurisdicionais e protocolos que garantam a integridade física e psicológica das pessoas durante as detençons.

3. A derrogaçom da jurisdiçom excepcional da Audiencia Nacional e o julgamento das pessoas processadas por um tribunal territorial ordinário.

4. A desactivaçom da legislaçom de excepçom imprópria dum estado democrático, co fim de evitar o uso sistemático da prisom preventiva, do 1º grau penitenciário, mais do regime FIES.

5. O translado dos presos e presas políticas galegas a um centro penitenciário situado na Galiza, rematar deste jeito coa medida ilegal da dispersom e evitando o seu desarraigo social e cultural.

6. Umhas condiçons de vida dignas e humanitárias dentro das prisons.


Causa Galiza

Causa Galiza anima a participar na 'IX Marcha às Cadeias' para exigir a repatriaçom dos presos e presas independentistas galegos

Celebra-se neste 17 de janeiro a IX Marcha às Cadeias que convoca a associaçom de familiares e amigos de presos e presas independentistas galegas Que voltem para a Casa! Causa Galiza chama a sociedade galega a participar nesta mobilizaçom anual para que o Governo espanhol respeite e cumpra os direitos humanos e constitucionais das e dos militantes presos a começar pola sua transferência imediata para a Galiza.

Pouco podemos dizer sobre a dispersom, o seu caráter ilegal e os seus negativos efeitos que nom se repetisse já em distintos ámbitos. No entanto, incidiremos ainda em duas questons: primeira, a importáncia de seguir a alargar a base social, sindical e política comprometida nesta reivindicaçom bloqueada por decisons político-repressivas do Governo espanhol e, segunda, a necessidade de multiplicar em 2015 as pressons para a repatriaçom dos presos e presas independentistas.

Anexamos nesta ligaçom os horários, locais de saída e percorridos dos autocarros que se deslocarám a Espanha nesta fim-de-semana para reclamar perante os muros dos cárceres o fim da dispersom e convidamos a militáncia galega, por cima de filiaçons, e o povo em geral, a reforçar em 2015 a luita pola repatriaçom.


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora

Publicidade
Publicidade
first
  
last
 
 
start
stop

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Eledian Technology

Aviso

Bem-vind@ ao Diário Liberdade!

Para poder votar os comentários, é necessário ter registro próprio no Diário Liberdade ou logar-se.

Clique em uma das opções abaixo.