Semella que o alcalde está disposto a empregar toda a forza que ten de man para a calar a resistencia veciñal en contra das obras de instalación do barco. Unhas obras que estiveron paradas até o luns, cando de noite e con forte presenza policial, entraron de novo as máquinas.

O que o seu goberno intentar silenciar é que a loita viciñal camiña na procura da Xustiza Social desde a desobediencia pacífica. Desde o comezo do conflito a represión foi en aumento, ao punto de haber tres persoas "imputadas por mentiras policiais, termos a persoas violentadas nas actuacións policiais, termos sancións por tocar a bucina..."- explican da Asemblea Aberta. "Estamos a destapar o seu “malgoberno” e tamén o desastre dunhas políticas sociais, para a galería, que deixan a moitas persoas da cidade sen luz, sen vivenda, sen alimentos básicos, sen o local de Sereos... en definitiva: sen dereitos sociais".

"Aquí non sobra ninguén, precisamos a todo o mundo!"  e por iso animan a persoas, colectivos, asociacións, entidades deportivas... a asistiren a manifestación. "Xuntas estamos xa a construír dende abaixo, dende a xente outra cidade, na que as persoas e as nosas necesidades sexan o primeiro".