1º Que Voltem Para a Casa! é umha asociaçom de carácter estritamente humanitário, desde a que proporcionamos solidariedade e apoio a presos e presas independentistas galegas e às súas familias, e denunciamos a situaçom de excepçom na que se atopam. O trabalho que realizamos é público, transparente, e 100% ajustado à legalidade. Exigimos o fim das políticas de excepçom aplicadas aos presos e presas independentistas galegas sem pessoalizar a nossa luita, já que o nosso posicionamento é contrário a estratégias individualistas: as nossas reivindicaçons englobam ao conjunto de presas e presos que estam a sofrer esta situaçom.

2º As comunicaçons realizadas por Que Voltem Para a Casa! som sempre públicas, através das nossas canles oficiais: redes sociais, página web... calquer pessoa pode comprobar a inexistência de qualquer tipo de manupulaçom da informaçom que proporcionamos.

3º Que Voltem Para a Casa! nom utilizou nunca fotografias nem o nome de Carlos Calvo sem o seu consentimento.

4º Respeitamos e apoiamos ao preso independentista Carlos Calvo e a súa familia pola situaçom injusta e de excepcionalidade que estam a viver, assí como ao resto de presas e presos independentistas e as súas familias.

5º Que Voltem Para a Casa! tem claros os seus objectivos:

– Nom perseguir benefícios individuais nem tratos desiguais entre presas independentistas.
– Que se respeitem escrupulosamente os direitos fundamentais das presas independentistas galegas.
– Acabar com a dispersom e traze-las para a casa.
– Converter as medidas de excepcionalidade aplicadas às nossas presas em História.

Por último, lamentamos profundamente que se "aproveite" para utilizar o nosso nome ligado a actividades ilegais e/ou delitivas.