Este é o balanço que poderiamos fazer do ano que remata mas o Organismo Popular Anti-repressivo CEIVAR queremos fazer o nosso próprio: um ano mais acompanhando à Marcha às Cadeias, um ano mais dum sucesso rotundo da Cadeia Humana pola Liberdade das/os Presas/os Independentistas Galegas/os, um ano organizando jornadas e participando nas convocatórias internacionais, um ano de trabalho nas ruas e no invisível, um ano demonstrando a solidariedade galega que é IMPARÁVEL. Estamos e seguiremos a estar, sempre com vós à nossa beira.Desta volta animamos-vos a participar na última cita solidária do ano, as concentraçons mensais exigindo as reivindicaçons do Coletivo de Pres@s Independentistas Galeg@s (CPIG). Novamente lembramos a importáncia de manter o pulso nas ruas para que as mulheres e homens que estám dentro das prisons em defesa da nossa Terra, nom se vejam invadidas/os nem um só momento polo sentimento de soidade. Trata-se dum caminho que vimos percorrendo durante vários anos mas assim teremos que estar dispostas/os a fazé-lo até que nom se cumpra:
1- Reconhecimento da sua condiçom de prisioneiras e prisioneiros políticos.
2- Fim da política de dispersom penitenciária.
3- Reagrupamento dos membros do coletivo numha prisom em território galego.
4- Cessamento do regime de reclusom nos centros de menores.
5- Melhora geral das condiçons de vida nas prisóns
Neste mês de Dezembro queremos mandar um saudo especial às famílias e amizades das/os presas/os independentistas galegas/os e enviar-lhes toda a nossa solidariedade numhas datas nas que bem de certo as/os botarám em falta especialmente. Vaia o nosso desejo de te-las/os na Terra quanto antes.
BURELA: Praça do Concelho às 20:30h + Ceia Vegana no Xebra Associaçom.
FERROL: Praça do Concelho às 20:00h
PONTE VEDRA: Praça da Peregrina às 20:00h
COMPOSTELA: Praça da Galiza às 20:30h
CRUNHA: Cantón -Obelisco(zona centro) ás 20:30 h
LUGO: Praça Maior às 20:30 + Ceia solidária no C.S. Mádia Leva!
OURENSE: Praça do Ferro às 20:30 + Foliada solidária no Pub Avanti
VIGO: MARCO (Rua Príncipe) às 20:00h
