Esta muda aposta por sancionar com penas de inabilitaçom dessas atividades por um tempo superior entre os seis e os vinte anos da duraçom da pena privativa de liberdade.
Este cámbio repercutiria sobre o preso independentista galego Antom Santos Peres que era professor de História Contemporánea na Universidade de Santiago de Compostela.
Adestramento pasivo
Igualmente é tipificado o "adestramento pasivo" referente a receber formaçom prática ou teórica mediante qualquer via incluindo Internet. Ademais elimina-se a vinculaçom desta conducta com a intençom de cometer um suposto delito posteriormente para evitar assim "problemas provatórios" posteriormente na vista judicial.
Finalmente também se elevam as penas para o delito de "enaltecimento do terrorismo" incorporando subtipos novos se é realizado mediante os médios de comunicaçom, Internet ou as novas tecnologias
Estigmatizaçom perpétua
Desde o Organismo Popular Anti-repressivo CEIVAR consideram muito grave esta nova volta de porca às políticas de estigmatizaçom das pessoas retaliadas por motivaçons políticas. O artigo 25.2 da Constitución Española cita "las penas privativas de libertad (...) estarán orientadas hacia la reeducación y la reinserción". Este fragmento legal é incumprido sistemáticamente dentro das prisons mas também fora já que muitas/os presas/os políticas/os som obrigadas/os a arrepentir-se para aceder a compensaçons sociais, negase-lhes o sufrágio ativo ou passivo, nom podem optar a um posto de funcionária/o e agora tampouco poderám exercer determinadas profissións.
Do mesmo jeito qualquer pessoa pode estar baixo suspeita de "adestrar-se" ao buscar qualquer tipo de informaçom limitando o direito à liberdade de expressom e de aprendizagem. Nom se especifica o tipo de informaçom que conduziria a umha investigaçom policial e à apertura dos posteriores procedimentos judiciais.
Em definitiva esta reforma procura o respaldo penal de detençons e sançons das pessoas que manifestem a sua disconformidade com o Estado Espanhol e as suas políticas cada vez mais orientadas à fascistizaçom.
Como método para contrarrestar esta nova forma de censura desde o Organismo Popular Anti-repressivo CEIVAR lembram que há à disposiçom na sua web vários tutoriais de encriptaçom e de segurança informática.