Foto de Ceivar - Pepita (centro) junto da sua advogada e Suso Cela, num ato solidário.
Do Comité de Solidariedade com as e os Presos Políticos informárom que no meio-dia de ontem (27/11) Suso Cela e mais outras duas pessoas que foram detidas na mesma operaçom, J.M. Olarieta e Aitor Cuervo, foram postos em liberdade.
O Comité repetiu mais umha vez o "desproporcionado" do aparelho policial destinado a deter a Cela (aliás, recentemente saído da cadeia após a prolongaçom em anos da condea que lhe correspondia). Nesse aparelho, um grande número de elementos da Guarda Civil espanhola apressaram-no a olhos da vizinhança e de forma supresiva, sem indicar as razons da detençom.
O referido Comité de Solidariedade informa no seu blog da acusaçom de "enaltecimento do terrorismo" como motivo alegado pola força repressiva para, durante a manhá desta quarta-feira, deter o vizinho da Corunha pola rua, "quando se dirigia à zona do Ofimático", onde na tarde de hoje ia participar na concentraçom solidária convocada contra o despejo e derrubo de umha vivenda, prevista para amanhá às 9 da manhá. Segundo o tribunal de exceçom espanhol, a comissom desses delitos terá acontecido durante a participaçom dos três argüidos nas II Jornadas Anticapitalistas organizadas em Llodio (Castela) a 22 e 23 de novembro de 2013.
Suso declarou à primeira hora da manhá perante o juiz da Audiência Nacional. Finalmente, os três fôrom postos em liberdade sob a referida acusaçom, em espera de Julgamento.
Causa contra Pepita Seoane arquivada
No mesmo dia em que Suso era acusado de "enaltecemento do terrorismo" a causa contra a sua mae sob essa mesma tipificaçom era arquivada, poucas semanas após a formalizaçom da acusaçom e o habitual linchamento mediático contra Pepita e a sua família polos meios afins ao regime. Convém observar como a notícia do arquivamento da causa nom está a ocupar espaço nesses mesmos meios.
A 'justiça' espanhola nom teve mais remédio que arquivar a causa contra Pepita porque o jornal El Mundo, não encontrou as gravaçons da entrevista na qual Pepita teria declarado o seu apoio a "atividades terroristas". Para além da escassa credibilidade de em pleno século XXI um meio como El Mundo nom guardar cópia, nem por algumhas semanas, das entrevistas que realiza, o caso demonstra "o assédio que está a sofrer a família Cela Seoane", di o Comité de Solidariedade, que também "agradece todas as mostras de solidariedade recebidas por Pepita".
Concentraçom solidária hoje na Corunha
Hoje na Corunha realizar-se-á umha Concentraçom convocada pola Plataforma contra a Repressom as 20:30 no Obelisc, pola liberdade de todos e todas as presas políticas e especialmente em apoio a Suso Cela.
[2014-11-26, 19:51:03] Denunciam detençom de Suso Cela na Corunha
O Comité corunhês de solidariedade com os Presos e Presas Políticas denunciou a detençom por parte da Guarda Civil de Suso Cela, ex-preso político e solidário do movimento pró-amnistia, na sua cidade de residência, Corunha.
O referido Comité de Solidariedade informa no seu blog da acusaçom de "enaltecimento do terrorismo" como motivo alegado pola força repressiva para, durante a manhá desta quarta-feira, deter o vizinho da Corunha pola rua, "quando se dirigia à zona do Ofimático", onde na tarde de hoje ia participar na concentraçom solidária convocada contra o despejo e derrubo de umha vivenda, prevista para amanhá às 9 da manhá.
Suso Cela terá sido conduzido para Madrid para ser posto a disposiçom judicial, segundo a mesma fonte solidária, que informou de que "durante a tarde continuárom as detençons" noutros pontos do Estado espanhol, incluindo o advogado de José Manuel Olarieta e Aitor Cuervo, retidos também por "enalticimento do terrorismo".
Para as 20h30 da sexta-feira foi convocada umha concentraçomn solidária no Obelisco da Corunha, "em solidariedade com os presos e presas políticas", especialmente com os detidos nesta quarta-feira.
Na Galiza, Ceivar, NÓS-UP, Causa Galiza e Isca! manifestárom-se nas redes sociais em solidariedade com o detido, tal como a própria entidade corunhesa acima referida.
