A crise do sistema capitalista e as normas da sua economia de mercado, som as geradoras e as responsáveis polos índices de desemprego de boa parte da populaçom galega, e que afetam também à vizinha e vizinho de Arnoso e que impossibilitam fazer frente ao pagamento da hipoteca. O direitos a um trabalho e a umha vivenda digna som papel molhado no capitalismo.

Por se fora pouco, tal e como afirma um dos afetados "Todo o que pagamos de mais, antes de que fora anulada a cláusula solo por umha sentência europeia, bastaria para cancelar a dívida que contraímos". A cláusula solo é junto com as preferentes mais um roubo desenhado pola ingenieria financieira da banca.

ABANCA é a entidade resultante da venda de Novagalicia Banco ao seu homólogo venezuelano BANESCO. Desde a fussom prévia de Caixavigo e Caixa Galicia forçada por Governo e Banco de Espanha dentro dum processo de re-estruturaçom em benefício da banca privada ao que destinarom até 100 mil milhons de euros, numerosos altos cárregos tenhem saído pola sua porta com os petos a rebentar. Estas duas caixas forom as principais estafadoras na Galiza por meio das preferentes.

Agora ABANCA, que a diferência das caixas nom conta já com participaçom pública na sua direçom, é umha entidade 100% privada à procura do máximo benefício. Capitalismo puro e duro à livre vontade dos novos proprietários e para o seu enriquecimento.

De NÓS-Unidade Popular manifestamos já pessoalmente a nossa solidariedade e apoio às novas vítimas da voracidade da banda capitalista. Chamamos às e aos clientes da entidade bancária a reclamar a paralizaçom de qualquer despejo sob amenaza de abandonar a entidade de executar algúm.

Apelamos também a estar alerta para apoiar a esta afetada e afetado em todo o que poidam necessitar para evitar a violaçom do seu direito a umha vivenda digna.

Assembleia Comarcal de NÓS-Unidade Popular do Condado

Ponte Areias, 10 de novembro de 201