1 1 1 1 1 1 1 1 1 1 (5 Votos)

130914 vigoGaliza - Diário Liberdade - Se algumha cousa está a ficar clara durante a campanha de difusom dos símbolos galegos que decorre em paralelo à imposiçom da 'Vuelta a España' em terras galegas, é a restriçom de direitos para a livre expressom da reivindicaçom nacional galega.


De maneira inconcebível num contexto alegadamente democrático, em diferentes pontos do País fôrom relatadas identificaçons e mesmo agressons policiais a pessoas que mostravam a bandeira galega ou faixas com legendas patrióticas. Existem evidências, no mínimo, na Corunha, Porrinho e Compostela.

Assim aconteceu na quarta-feira, quando seis pessoas, militantes do BNG, fôrom retidas e identificadas na Corunha pola polícia espanhola, por tentarem despregar umha bandeira da Galiza com o intuito de ser vista à passagem da corrida ciclista.

Ontem mesmo, a pressom subiu de tom com umha agressom física a um militante da organizaçom independentista NÓS-Unidade Popular, desta vez no Porrinho. O motivo, semelhante ao anterior: um grupo de militantes e simpatizantes de NÓS-UP mostravam bandeiras e faixas de afirmaçom nacional galega e polícias locais do Porrinho dirigírom-se ao lugar, tentando retirar e ocultar a simbologia galega. Umha das pessoas participantes foi agredida, segundo pode comprovar-se parcialmente num vídeo que alguém filmou no lugar. Noutro vídeo, a pessoa agredida explica o que aconteceu.

130914 cgzO terceiro caso aconteceu hoje mesmo, em Compostela, onde vários carros policiais espanhóis identificárom as pessoas que seguravam umha faixa assinada por Causa Galiza contra a passagem da 'Vuelta' polo nosso país. Inclusive a fotógrafa que tirou fotos do acontecimento foi multada, segundo essa organizaçom denunciou nas redes sociais.

Diferentes organizaçons nacionalistas e independentistas galegas mantenhem um trabalho reivindicativo durante a 'Vuelta a España', que nesta ediçom ocupa a Galiza de ponta a ponta. Deve esclarecer-se que em nengum caso houvo tentativas de cortar ou dificultar a passagem dos ciclistas, apesar do qual as forças repressivas e os meios de comunicaçom estám a tentar invisibilizar a presença de independentistas e nacionalistas nas diferentes etapas.

Fica clara, mais umha vez, a perseguiçom ideológica aos setores críticos com o poder espanhol, neste caso por simples reivindicaçons democráticas relacionadas com os direitos nacionais do povo galego.


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora

Publicidade
Publicidade
first
  
last
 
 
start
stop

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Eledian Technology

Aviso

Bem-vind@ ao Diário Liberdade!

Para poder votar os comentários, é necessário ter registro próprio no Diário Liberdade ou logar-se.

Clique em uma das opções abaixo.