A ementa da sétima Polvada contra a Hispanidade terá como ementa polvo à feira, pam, vinho, sobremesa, café e chopinhos, a um preço de 12 euros. Organizada polo Centro Social luguês Mádia Leva!, é preciso reservar até dia 9 de outubro. Será na Rua Serra de Ancares 18, onde se encontra o dito Centro Social.

A polvada decorre no dia em que Madrid e o decadente império (pequeno) que gere celebram o início do genocídio na América Central e do Sul, e tem umha evidente focagem de contestaçom a essa selvagem e colonialista 'comemoraçom', que na Galiza continuamos a padecer no século XXI graças à secular opressom espanhola.

Nom é a única atividade que o Mádia Leva! desenvolve no ámbito das festas mais populares da cidade: já no sábado 3 de outubro houvo umha feira popular de produtos usados, umha foliada e jantar para celebrar, aliás, os oito anos de atividade do local luguês.